തെരുവുനായ്ക്കൾ പെരുകുന്നു; മുഖം തിരിച്ച് പൊന്നാനിയിലെ വെറ്ററിനറി വിഭാഗം

പൊ​ന്നാ​നി: ന​ഗ​ര​സ​ഭ പ​രി​ധി​യി​ൽ തെ​രു​വു​നാ​യ ആ​ക്ര​മ​ണം പ​തി​വാ​കു​മ്പോ​ഴും ആ​നി​മ​ൽ ബ​ർ​ത്ത് ക​ൺ​ട്രോ​ൾ പ​ദ്ധ​തി​യോ​ട് മു​ഖം തി​രി​ച്ച് ന​ഗ​ര​സ​ഭ​യി​ലെ വെ​റ്റി​ന​റി വി​ഭാ​ഗം. ത​ദ്ദേ​ശ സ്ഥാ​പ​ന​ങ്ങ​ൾ​ക്ക് കീ​ഴി​ലെ വെറ്ററിനറി വി വി​ഭാ​ഗ​ത്തി​ന്റെ മേ​ൽ​നോ​ട്ട​ത്തി​ൽ വ​ന്ധീ​ക​ര​ണ പ്ര​വൃ​ത്തി​ക​ൾ ന​ട​ത്താ​മെ​ന്ന ഉ​ത്ത​ര​വ് പ്ര​കാ​രം ന​ഗ​ര​സ​ഭ​യി​ൽ എ.​ബി.​സി പ​ദ്ധ​തി പു​ന​രാ​രം​ഭി​ക്കു​മെ​ന്നാ​ണ് അ​റി​യി​ച്ചി​രു​ന്ന​ത്.

ന​ഗ​ര​സ​ഭ​യു​ടെ ത​ന​ത് ഫ​ണ്ട് ഉ​പ​യോ​ഗി​ച്ച് വെറ്ററിനറി ഡോ​ക്ട​ർ​മാ​ർ, ഡോ​ഗ് ക്യാ​ച്ച​ർ​മാ​ർ, അ​നു​ബ​ന്ധ ജീ​വ​ന​ക്കാ​ർ, മൊ​ബൈ​ൽ ലാ​ബ് എ​ന്നി​വ​യു​ടെ സേ​വ​നം ല​ഭ്യ​മാ​ക്കു​മെ​ന്നും ആ​വ​ശ്യ​മാ​യ അ​ധി​ക ജീ​വ​ന​ക്കാ​രെ ന​ഗ​ര​സ​ഭ ത​ന്നെ ഏ​ർ​പ്പാ​ടാ​ക്കു​മെ​ന്നും തീ​രു​മാ​നി​ച്ചി​രു​ന്നു. സീ​നി​യ​ർ വെ​റ്റി​ന​റി സ​ർ​ജ​ന്റെ മേ​ൽ​നോ​ട്ട​ത്തി​ൽ എ.​ബി.​സി പ​ദ്ധ​തി ന​ട​പ്പാ​ക്കാ​ൻ തീ​രു​മാ​നി​ച്ചെ​ങ്കി​ലും, വെറ്ററിനറി വി​ഭാ​ഗ​ത്തി​ന്റെ സ​ഹ​ക​ര​ണം ഇ​ല്ലാ​തി​രു​ന്ന​താ​ണ് പ​ദ്ധ​തി പാ​ളാ​നി​ട​യാ​യ​ത്.

തെ​രു​വു​നാ​യ്ക്ക​ൾ പെ​റ്റു​പെ​രു​കി തെ​രു​വു​ക​ളി​ൽ വി​ഹ​രി​ക്കു​ന്ന അ​വ​സ്ഥ​യാ​ണ് നി​ല​വി​ൽ. രാ​പ്പ​ക​ൽ വ്യ​ത്യാ​സ​മി​ല്ലാ​തെ കൂ​ട്ട​മാ​യി എ​ത്തു​ന്ന തെ​രു​വു​നാ​യ്ക്ക​ൾ അ​ക്ര​മം അ​ഴി​ച്ചു​വി​ടു​ന്ന​ത് ജീ​വ​ന് ഭീ​ഷ​ണി​യാ​യി മാ​റി​യ സ്ഥി​തി​യാ​ണ്. പു​ല​ർ​ച്ചെ ആ​രാ​ധ​നാ​ല​യ​ങ്ങ​ളി​ലേ​ക്കും, മ​ദ്റ​സ​ക​ളി​ലേ​ക്കും പോ​കു​ന്ന കു​ട്ടി​ക​ൾ​ക്ക് നേ​രെ തെ​രു​വു​നാ​യ്ക്ക​ളു​ടെ അ​ക്ര​മ​വും പ​തി​വാ​ണ്.

തെ​രു​വു​നാ​യ ആ​ക്ര​മ​ണ​ങ്ങ​ൾ​ക്ക് പ​രി​ഹാ​രം കാ​ണു​ന്ന​തി​ന്റെ ഭാ​ഗ​മാ​യി പൊ​ന്നാ​നി ന​ഗ​ര​സ​ഭ​യി​ൽ പേ​വി​ഷ ബാ​ധ​ക്കെ​തി​രെ​യു​ള്ള വാ​ക്സി​നേ​ഷ​ൻ പ​ദ്ധ​തി ഉ​ൾ​പ്പെ​ടെ നേ​ര​ത്തേ ന​ട​പ്പാ​ക്കി​യി​രു​ന്നെ​ങ്കി​ലും കോ​ട​തി ഉ​ത്ത​ര​വി​നെ​ത്തു​ട​ർ​ന്ന് ഇ​തും പാ​തി വ​ഴി​യി​ൽ ഉ​പേ​ക്ഷി​ച്ചു. ക​ഴി​ഞ്ഞ നാ​ല് വ​ർ​ഷ​ത്തി​നി​ട​യി​ൽ ഒ​റ്റ​ത്ത​വ​ണ മാ​ത്ര​മാ​ണ് എ.​ബി.​സി പ​ദ്ധ​തി പൊ​ന്നാ​നി​യി​ൽ ന​ട​ന്ന​ത്. ഇ​തി​ൽ 200 ഓ​ളം തെ​രു​വു​നാ​യ്ക്ക​ളെ മാ​ത്രം വ​ന്ധീ​ക​രി​ച്ച് പ​ദ്ധ​തി നി​ർ​ത്തു​ക​യും ചെ​യ്തു.

പ്ര​തി​രോ​ധ കു​ത്തി​വെ​പ്പ് എ​ടു​ത്ത നാ​യ്ക്ക​ളെ തി​രി​ച്ച​റി​യു​ന്ന​തി​ന് മൈ​ക്രോ​ചി​പ് ഘ​ടി​പ്പി​ക്കു​ന്ന പ​ദ്ധ​തി രാ​ജ്യ​ത്ത് ആ​ദ്യ​മാ​യി പൊ​ന്നാ​നി ന​ട​പ്പാ​ക്കി​യി​രു​ന്നു. എ​ന്നാ​ൽ ഇ​തി​ന് തു​ട​ർ​ച്ച ഇ​ല്ലാ​തി​രു​ന്ന​തോ​ടെ തെ​രു​വു​നാ​യ്ക്ക​ളെ​ക്കൊ​ണ്ട് പൊ​റു​തി​മു​ട്ടി​യി​രി​ക്കു​ക​യാ​ണ് പൊ​തു​ജ​നം.

എ.​ബി.​സി പ​ദ്ധ​തി ന​ട​പ്പാ​ക്കും -ന​ഗ​ര​സ​ഭ ചെ​യ​ർ​പേ​ഴ്സ​ൻ

പൊ​ന്നാ​നി: പൊ​ന്നാ​നി​യി​ൽ തെ​രു​വു നാ​യ്ക്ക​ളു​ടെ ശ​ല്യ​വും, വ​ർ​ധ​ന​വും ക​ണ​ക്കി​ലെ​ടു​ത്ത് ആ​നി​മ​ൽ ബ​ർ​ത്ത് ക​ൺ​ട്രോ​ൾ പ​ദ്ധ​തി പു​ന​രാ​രം​ഭി​ക്കു​മെ​ന്ന് ന​ഗ​ര​സ​ഭ ചെ​യ​ർ​പേ​ഴ്സ​ൻ ശി​വ​ദാ​സ് ആ​റ്റു​പു​റം പ​റ​ഞ്ഞു.

എ.​ബി.​സി പ്രോ​ഗ്രാം, ആ​ന്റി റാ​ബീ​സ് വാ​ക്സി​നേ​ഷ​ൻ എ​ന്നി​വ ന​ട​പ്പാ​ക്കു​ന്ന​തി​ന് ബ​ന്ധ​പ്പെ​ട്ട വെ​റ്റ​റി​ന​റി സ​ർ​ജ​ൻ​മാ​ർ, താ​ലൂ​ക്ക് ആ​ശു​പ​ത്രി സൂ​പ്ര​ണ്ട്, പൊ​ലീ​സ് എ​ന്നി​വ​രു​ടെ യോ​ഗം ഈ ​മാ​സം 31 ന് ​വി​ളി​ച്ചു ചേ​ർ​ക്കു​മെ​ന്നും ന​ഗ​ര​സ​ഭ ചെ​യ​ർ പേ​ഴ്സ​ൻ പ​റ​ഞ്ഞു.