ബി​യ്യം റ​ഗു​ലേ​റ്റ​റി​ന് സ​മീ​പ​ത്തെ മ​ണ​ൽ​തി​ട്ട നീ​ക്ക​ൽ; വാ​ഗ്ദാ​നം പാ​ഴ്വാ​ക്കാ​യി

പൊ​ന്നാ​നി: പൊ​ന്നാ​നി ബി​യ്യം റ​ഗു​ലേ​റ്റ​ർ കം ​ബ്രി​ഡ്ജി​ന്റെ ഷ​ട്ട​റി​ന് സ​മീ​പം കാ​ല​ങ്ങ​ളാ​യി അ​ടി​ഞ്ഞു​കൂ​ടി​യ മ​ണ​ൽ നീ​ക്കു​മെ​ന്ന അ​ധി​കൃ​ത​രു​ടെ വാ​ഗ്ദാ​നം പാ​ഴ്വാ​ക്കാ​യി. മ​ഴ​ക്കാ​ല​മെ​ത്തു​ന്ന​തോ​ടെ നീ​രൊ​ഴു​ക്ക് ത​ട​സ​പ്പെ​ട്ട് വെ​ള്ള​പ്പൊ​ക്ക​മു​ണ്ടാ​കു​മെ​ന്ന ഭീ​തി​യി​ലാ​ണ് കാ​യ​ലോ​ര വാ​സി​ക​ൾ. ഷ​ട്ട​റി​ന് കി​ഴ​ക്ക് ഭാ​ഗ​ത്താ​ണ് മ​ണ​ൽ അ​ടി​ഞ്ഞു​കൂ​ടി നീ​രൊ​ഴു​ക്ക് ത​ട​സ​പ്പെ​ട്ടി​രി​ക്കു​ന്ന​ത്. മ​ണ​ൽ അ​ടി​ഞ്ഞ​തി​നാ​ൽ ഷ​ട്ട​റി​ന് താ​ഴെ ജ​ലം സം​ഭ​രി​ക്കു​ന്ന​തി​ന്റെ ശേ​ഷി ഇ​ല്ലാ​താ​യി​രി​ക്കു​ക​യാ​ണ്.

മ​ണ​ൽ​നീ​ക്കാ​ത്ത പ​ക്ഷം മ​ഴ​യി​ൽ മു​ൻ കാ​ല​ങ്ങ​ളി​ലെ പോ​ലെ ഷ​ട്ട​റി​ന് കി​ഴ​ക്കു​ഭാ​ഗ​ത്ത് ജ​ല​നി​ര​പ്പ് ഉ​യ​രു​ക​യും അ​യി​നി​ച്ചി​റ വ​രെ ഭാ​ഗ​ത്ത് കൃ​ഷി നാ​ശ​മു​ണ്ടാ​വു​ക​യും ബി​യ്യം ചെ​റി​യ പാ​ല​ത്തി​ന് സ​മീ​പ​ത്തെ വീ​ടു​ക​ൾ വെ​ള്ള​പ്പൊ​ക്ക ഭീ​ഷ​ണി​യി​ലാ​വു​ക​യും ചെ​യ്യും. കാ​യ​ലോ​ര പ്ര​ദേ​ശ​ങ്ങ​ളി​ലും വെ​ള്ള​ക്കെ​ട്ടു​ണ്ടാ​കാ​റു​ണ്ട്. കൂ​ടാ​തെ മ​ണ​ലി​ൽ ച​ണ്ടി അ​ടി​ഞ്ഞു​കൂ​ടി മ​ത്സ്യ​ങ്ങ​ൾ ച​ത്ത് പൊ​ങ്ങു​ന്ന​തി​നും ഇ​ട​യാ​ക്കും. പ​ല ത​വ​ണ ഇ​ക്കാ​ര്യം സ​മീ​പ വാ​സി​ക​ളും, ക​ർ​ഷ​ക​രും അ​ധി​കൃ​ത​രു​ടെ ശ്ര​ദ്ധ​യി​ൽ പെ​ടു​ത്തി​യി​ട്ടും ന​ട​പ​ടി​ക​ൾ ഒ​ന്നു​മാ​യി​ല്ല.

പൊ​ന്നാ​നി ന​ഗ​ര​സ​ഭ കൗ​ൺ​സി​ൽ യോ​ഗ​ത്തി​ലും, ദു​ര​ന്ത​നി​വാ​ര​ണ സ​മി​തി യോ​ഗ​ത്തി​ലും ഈ ​വി​ഷ​യം ഉ​യ​ർ​ന്നു​വ​ന്നി​രു​ന്നു. പ്ര​ദേ​ശ​ത്തെ മ​ണ​ൽ നീ​ക്കാ​ൻ കെ.​ഇ.​ആ​ർ.​ഐ സ​ർ​വേ എ​സ്റ്റി​മേ​റ്റ് ത​യാ​റാ​ക്കി എ​ത്ര​ത്തോ​ളം മ​ണ​ൽ നീ​ക്കാ​മെ​ന്ന് പ​റ​ഞ്ഞി​രു​ന്നെ​ങ്കി​ലും ഇ​തും ന​ട​പ്പാ​യി​ട്ടി​ല്ല. വേ​ന​ലി​ൽ മ​ണ​ൽ നീ​ക്കം ചെ​യ്തി​ല്ലെ​ങ്കി​ൽ വ​ലി​യ വെ​ള്ള​പ്പൊ​ക്ക​ത്തി​നാ​ണ് സാ​ധ്യ​ത​യു​ള്ള​ത്.