നൊച്ചാട് ഹയർ സെക്കൻഡറി സ്കൂൾ എൻ.എസ്.എസ്യൂനിറ്റ് ഉപജീവനം പദ്ധതിയുടെ ഭാഗമായി നിർമിച്ച പെട്ടിക്കട ഉദ്ഘാടനം നൊച്ചാട് ഗ്രാമപഞ്ചായത്ത്‌ വൈസ് പ്രസിഡൻറ് പി.എം. കുഞ്ഞിക്കണ്ണൻ നിർവഹിക്കുന്നു
പേരാമ്പ്ര: കുടുംബം പോറ്റാൻ ബുദ്ധിമുട്ടുന്ന ഷാജുവിന് ഉപജീവനത്തിന് പെട്ടിക്കടയൊരുക്കി വിദ്യാർഥികൾ. നൊച്ചാട് ഹയർ സെക്കൻഡറി സ്കൂൾ നാഷനൽ സർവിസ് സ്കീം യൂനിറ്റ് 'ഉപജീവനം' പദ്ധതിയുടെ ഭാഗമായാണ് കട നിർമിച്ചു നൽകിയത്. വിദ്യാർഥികൾ ശേഖരിച്ച തുകയാണ് പദ്ധതിക്കു വേണ്ടി ഉപയോഗിച്ചത്. രണ്ട് കാലുകളും തളർന്ന ഷാജുവിന് ഭാരപ്പെട്ട മറ്റു ജോലികൾ ചെയ്യാൻ കഴിയില്ല.
പ്രിൻസിപ്പൽ സി. അബ്ദുറഹ്മാൻ അധ്യക്ഷത വഹിച്ചു. ഗ്രാമ പഞ്ചായത്ത്‌ വൈസ് പ്രസിഡൻറ് പി.എം. കുഞ്ഞിക്കണ്ണൻ പെട്ടിക്കട ഉദ്ഘാടനം ചെയ്തു. വാർഡ് മെമ്പർ പി.എം. രജീഷ് സഹായ ധനം കൈമാറി.
പി. സി. മുഹമ്മദ്‌ സിറാജ്, കെ.കെ. ഷോബിൻ, വളൻറിയർ സെക്രട്ടറിമാരായ അഹമ്മദ്‌ സഊദ്, ഇ. റിയ ഫാത്തിമ, എൻ. ഗോപാലൻ, ടി. പി. രാജൻ, അശ്വതി ശങ്കരൻ നായർ, പി. അബൂബക്കർ, ടി. കുഞ്യോക്കർ തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.