കൊടിയത്തൂർ: ഗ്രാമ പഞ്ചായത്തിൽ കുടിവെള്ളക്ഷാമം രൂക്ഷമാവുന്നു. ചൂട് കൂടുന്നതിനനുസരിച്ച് പ്രദേശത്തെ കിണറുകളും കുളങ്ങളും അനുദിനം വറ്റി വരളുകയാണ്. ഇരുവഴിഞ്ഞി പുഴയുടെയും ചാലിയാർ പുഴയുടെയും പരിസരത്തെ ചില കിണറുകളിൽ ജലനിരപ്പ് താഴ്ന്നത് പ്രദേശത്തുകാർക്ക് അമ്പരപ്പുളവാക്കിയിട്ടുണ്ട്.
സാധാരണ വേനൽ മഴ കിട്ടാറുണ്ടെങ്കിലും ഇത്തവണ അതും ലഭിച്ചിട്ടില്ല. ഏപ്രിൽ ആദ്യ വാരത്തിൽ തന്നെ പല ഭാഗങ്ങളിലും ജലക്ഷാമം രൂക്ഷമാവുകയാണ്. കോട്ടമ്മൽ, കാരക്കുറ്റി, പന്നിക്കോട്, തോട്ടുമുക്കം, ചെറുവാടിയുടെ ചില ഭാഗങ്ങൾ, ഉയർന്ന പ്രദേശങ്ങളിലുള്ള വിദ്യാഭ്യാസ സ്ഥാപനങ്ങൾ എന്നിവിടങ്ങളിൽ ജലക്ഷാമം രൂക്ഷമായിരിക്കുകയാണ് ഉയർന്ന പ്രദേശങ്ങളിൽ വസിക്കുന്ന പല വീട്ടുകാരും പൈപ്പ് വെള്ളത്തെ ആശ്രിയിക്കേണ്ട ഗതിയാണ് പലപ്പോഴും പൈപ്പ് വെള്ളം ലഭിക്കാറില്ലെന്ന പരാതിയുമുണ്ട്.
ഈ വർഷം പഞ്ചായത്തിന്റെ സഹായത്തോടെ എല്ലാ വാർഡുകളിലും കുടി വെള്ളമെത്തിക്കാൻ സംവിധാനമൊരുക്കിയി ട്ടുണ്ടെങ്കിലും പല ഭാഗങ്ങളിലും കുടി വെള്ളത്തിനായി പ്രദേശവാസികൾ നെട്ടോട്ടമോടുകയാണ് .
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.