മുക്കം: യു.ഡി.എഫ് ഭരിക്കുന്ന കാരശ്ശേരി ഗ്രാമപഞ്ചായത്തില്‍ വിവിധ സ്റ്റാൻഡിങ് കമ്മിറ്റി അംഗങ്ങളെ സംബന്ധിച്ച് ധാരണയായി. ബുധനാഴ്ച നടന്ന തെരഞ്ഞെടുപ്പിലാണ് അംഗങ്ങളെ തെരഞ്ഞെടുത്തത്. ഇതോടെ വികസനകാര്യ സ്റ്റാൻഡിങ് കമ്മറ്റിയുടേയും ക്ഷേമകാര്യ സ്റ്റാൻഡിങ് കമ്മറ്റിയുടേയും അധ്യക്ഷസ്ഥാനം യു.ഡി.എഫിന് ലഭിക്കും. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റിയില്‍ ഇരുമുന്നണിക്കും രണ്ട് അംഗങ്ങള്‍ വീതമായതോടെ അധ്യക്ഷ സ്ഥാനത്തിനായി നറുക്കെടുപ്പുവേണ്ടി വരും. നറുക്കെടുപ്പും അധ്യക്ഷ തെരഞ്ഞെടുപ്പും ഈ മാസം 15ന് നടക്കുമെന്ന് റിട്ടേണിങ് ഓഫിസര്‍ ഗീത അറിയിച്ചു. വികസനകാര്യ സ്റ്റാൻഡിങ് കമ്മറ്റിയില്‍ ശാന്താദേവി മൂത്തേടത്ത്, ജംഷിദ് ഒളകര, അഷ്റഫ് തച്ചാറമ്പത്ത്, ശ്രുതി ബിജു കമ്പളത്ത് എന്നിവരാണ് അംഗങ്ങള്‍. കോണ്‍ഗ്രസിലെ ശാന്താദേവി മൂത്തേടത്ത് അധ്യക്ഷയാവും. ക്ഷേമകാര്യ സ്റ്റാൻഡിങ് കമ്മറ്റിയില്‍ സുനിത രാജന്‍, കുഞ്ഞാലി മമ്പാട്ട്, സത്യന്‍ മുണ്ടയില്‍, കെ. ശിവദാസന്‍ എന്നിവരാണ് അംഗങ്ങള്‍. ഇതില്‍ സത്യന്‍ മുണ്ടയില്‍ അധ്യക്ഷനാവും. ആരോഗ്യവിദ്യാഭ്യാസ സ്റ്റാൻഡിങ് കമ്മിറ്റിയില്‍ എല്‍.ഡി.എഫിനും യു.ഡി.എഫ്-വെല്‍ഫെയര്‍ സഖ്യത്തിന്നും രണ്ട് അംഗങ്ങള്‍ വീതമായതിനാല്‍ അധ്യക്ഷ സ്ഥാനത്തേക്ക് നറുക്കെടുപ്പുവേണ്ടി വരും. റുഖിയ്യ റഹീം, ഷാഹിന ടീച്ചര്‍, ജിജിത സുരേഷ്, കെ.പി. ഷാജി എന്നിവരാണ് അംഗങ്ങള്‍.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.