കൊടുവള്ളി: വോട്ടർ പട്ടികയിൽ പേര് ചേർക്കാനും ആക്ഷേപം ഉന്നയിക്കാനുമുള്ള തീയതി അവസാനിച്ചതോടെ പട്ടികയിൽ വൻ ക്രമക്കേട് വരുത്താനുള്ള ശ്രമമാണ് മുസ്ലിം ലീഗ് നടത്തിയതെന്ന് എൽ.ഡി.എഫ് കൊടുവള്ളി മുനിസിപ്പൽ കമ്മിറ്റി യോഗം ആരോപിച്ചു. വർഷങ്ങൾക്കുമുമ്പ് വിവാഹം ചെയ്ത് പോയ സ്ഥലത്തില്ലാത്തവരെയും വിവിധ ഡിവിഷനുകളിലെ ലീഗ് നേതാക്കളടക്കമുള്ള വോട്ടർമാരെയും മറ്റ് ഡിവിഷനിലേക്ക് മാറ്റിച്ചേർക്കാൻ കൊടുത്തിരിക്കുകയാണ്. ആറങ്ങോട് ഡിവിഷനിലെ മുത്തമ്പലത്തെ മുശാരിയിടം-തച്ചോട്ടമ്മൽ പ്രദേശത്തെ നൂറിലധികം വോട്ടർമാെരയാണ് അവർ അറിയാതെ മറ്റൊരു ഡിവിഷനിലേക്ക് മാറ്റാൻ അപേക്ഷ നൽകിയിരിക്കുന്നത്. ഇലക്ഷൻ സൈറ്റ് പരിശോധിച്ചപ്പോഴാണ് ഒരു പ്രദേശത്തെ ജനങ്ങളെയാക്കെ മറ്റൊരു ഡിവിഷനിലേക്ക് മാറ്റാൻ അപേക്ഷ കൊടുത്തതായി മനസ്സിലായത്. വോട്ടർമാർ ഇതോടെ സെക്രട്ടറിക്കും ഇലക്ഷൻ കമീഷനും പരാതി നൽകിയിരിക്കുകയാണ്. വോട്ടർ പട്ടിക അട്ടിമറിക്കാനുള്ള മുസ്ലിം ലീഗ് നീക്കത്തെ സംബന്ധിച്ച് സമഗ്രാന്വേഷണം നടത്തണമെന്ന് എൽ.ഡി.എഫ് കൊടുവള്ളി മുനിസിപ്പൽ കമ്മിറ്റി തെരഞ്ഞെടുപ്പ് കമീഷനോട് ആവശ്യപ്പെട്ടു. യോഗത്തിൽ ഒ.പി.ഐ കോയ അധ്യക്ഷത വഹിച്ചു. കെ. ബാബു, കെ.ടി. സുനി, പി.ടി.സി. ഗഫൂർ, സി.എം. ബഷീർ, മാതോലത്ത് അബ്ദുല്ല എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.