കലഞ്ഞൂരിൽ സിനിമ നിർമാതാവിൻെറ കന്നിയങ്കം കോന്നി: കലയുടെ ഊരായ കലഞ്ഞൂരിൽ സിനിമ നിർമാതാവ് എ.ഐ.എ.ഡി.എം.കെ സ്ഥാനാർഥി. കലഞ്ഞൂർ ശശിധരൻ പിള്ളയാണ് പുരട്ചി തലൈവി ജയലളിതയുടെ പാർട്ടിക്കുവേണ്ടി മത്സരിക്കുന്നത്. തെരഞ്ഞെടുപ്പിൽ കന്നിയങ്കക്കാരനായ തുളസീധരൻ ഭാര്യ വിജയകുമാരിയെയും കൂട്ടി ഭവന സന്ദർശനത്തിൽ സജീവമാണ്. വോട്ട് അഭ്യർഥനയും വിജയിച്ചു കഴിഞ്ഞാൽ വാർഡിൻെറ പുരോഗതിക്ക് ചെയ്യാൻ ഉദ്ദേശിക്കുന്ന കാര്യങ്ങൾ സംബന്ധിച്ച ലഘുലേഖയും തയാറാക്കിയാണ് ഭവന സന്ദർശനം. കലഞ്ഞൂർ ടൗൺ ഉൾപ്പെടുന്ന 16ാം വാർഡിലാണ് മത്സരം. 40 വർഷമായി സിനിമ ലോകത്ത് പ്രവർത്തനം തുടങ്ങിയ കാലം മുതൽ തൊപ്പിവെച്ചാണ് നടത്തം. കേരളത്തിലെ മുഴുവൻ എ.ഐ.എ.ഡി.എം.കെ സ്ഥാനാർഥികൾക്ക് ലഭിച്ച ചിഹ്നവും തൊപ്പിയാണ്. അത് ഒരു അനുഗ്രഹവും ഭാഗ്യവുമായാണ് ശശിധരൻ കാണുന്നത്. അടുത്തിടെ റിലീസായ വിശുദ്ധ പുസ്തകം, വൈറ്റ് ബോയ്സ് എന്നീ സിനിമകളുടെ നിർമാതാവാണ്. മറ്റൊരു ചിത്രത്തിൻെറയും നിർമാണം പൂർത്തിയായിട്ടുണ്ട്. ജയസൂര്യയെ നായകനാക്കി മറ്റൊരു ചിത്രം തുടങ്ങാനുള്ള ഒരുക്കത്തിലുമാണ്. കഴിഞ്ഞ തവണ എൽ.ഡി.എഫാണ് 16ാം വാർഡിൽ വിജയിച്ചത്. ഇത്തവണ എൽ.ഡി.എഫും യു.ഡി.എഫും ബി.ജെ.പിയും ഇവിടെ ശക്തമായ പ്രചാരണം നടത്തുന്നുണ്ട്. -മനോജ് പുളിവേലിൽ ചിത്രം: PTL Sasidharan AIADMK കലഞ്ഞൂർ ഗ്രാമപഞ്ചായത്തിലെ എ.ഐ.എ.ഡി.എം.കെ സ്ഥാനാർഥി ശശിധരൻ കലഞ്ഞൂർ NB: ചിത്രം കിട്ടിയിട്ടില്ല.............
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.