കൊട്ടാരക്കര സ്വകാര്യ ബസ് സ്റ്റാൻഡ്​ ഹൈടെക് വികസനം അനിശ്ചിതത്വത്തിൽ

കൊ​ട്ടാ​ര​ക്ക​ര: കൊ​ട്ടാ​ര​ക്ക​ര​യി​ലെ സ്വ​കാ​ര്യ ബ​സ് സ്റ്റാ​ൻ​ഡി​ലെ ഹൈ​ടെ​ക് വി​ക​സ​നം അ​നി​ശ്ചി​ത​ത്വ​ത്തി​ൽ. നി​ർ​മാ​ണോ​ദ്ഘാ​ട​നം ന​ട​ത്തി മൂ​ന്നു​വ​ർ​ഷം പി​ന്നി​ട്ടി​ട്ടും നി​ർ​മാ​ണം തു​ട​ങ്ങാ​നാ​യി​ല്ല. സ​ർ​ക്കാ​ർ സം​വി​ധാ​ന​ങ്ങ​ൾ​ക്കും ഇ​ത് നാ​ണ​ക്കേ​ടാ​യി മാ​റി.

ദി​വ​സ​വും നൂ​റു​ക​ണ​ക്കി​ന് സ്വ​കാ​ര്യ ബ​സു​ക​ൾ വ​ന്നു​പോ​കു​ന്ന, ജി​ല്ല​യി​ലെ പ്ര​ധാ​ന ബ​സ് സ്റ്റാ​ൻ​ഡ്​ ഇ​പ്പോ​ഴും ദു​ർ​ഗ​തി​യി​ൽ തു​ട​രു​ക​യാ​ണ്. കാ​ല​പ്പ​ഴ​ക്ക​ത്തി​ൽ ജീ​ർ​ണാ​വ​സ്ഥ​യി​ലു​ള്ള വെ​യി​റ്റി​ങ്​ ഷെ​ഡ് ത​ക​ർ​ന്ന് വീ​ഴാ​റാ​യി. വ​രു​ന്ന പെ​രു​മ​ഴ​ക്കാ​ലം വെ​യി​റ്റി​ങ്​ ഷെ​ഡ് അ​തി​ജീ​വി​ക്കു​മോ​യെ​ന്നാ​ണ് ഭീ​തി.

എ​പ്പോ​ഴും യാ​ത്ര​ക്കാ​ർ വ​ന്നു​പോ​കു​ന്ന സ്റ്റാ​ൻ​ഡി​ൽ ഒ​രു​വി​ധ അ​ടി​സ്ഥാ​ന​സൗ​ക​ര്യ​ങ്ങ​ളു​മി​ല്ല. ബ​സ് സ്റ്റാ​ൻ​ഡി​ന്റെ ഹൈ​ടെ​ക് വി​ക​സ​നം ല​ക്ഷ്യ​മി​ട്ട് ഒ​ട്ടേ​റെ പ​ദ്ധ​തി​ക​ളാ​ണ്​ വി​ഭാ​വ​നം ചെ​യ്ത​ത്. ആ​ദ്യ​ഘ​ട്ട നി​ർ​മാ​ണ​ത്തി​ന് 75 ല​ക്ഷം രൂ​പ അ​നു​വ​ദി​ച്ചി​രു​ന്നു. ബ​സ് പാ​ർ​ക്കി​ങ്ങി​ന് വേ​ണ്ട സ്ഥ​ലം ക്ര​മീ​ക​രി​ക്കാ​നും ക​ച്ച​വ​ട​സ്ഥാ​പ​ന​ങ്ങ​ൾ, ടോ​യ്​​ല​റ്റു​ക​ൾ, വി​ശ്ര​മ​സ്ഥ​ലം, ബ​സ് കാ​ത്തി​രി​പ്പ് കേ​ന്ദ്രം തു​ട​ങ്ങി എ​ല്ലാ സം​വി​ധാ​ന​ങ്ങ​ളും ഒ​രു​ക്കാ​നു​മാ​ണ് പ​ദ്ധ​തി​യി​ട്ട​ത്.

എ.​ടി.​എം കൗ​ണ്ട​ർ, ടെ​ലി​വി​ഷ​ൻ, മു​ല​യൂ​ട്ട​ൽ കേ​ന്ദ്രം, വൈ-​ഫൈ സം​വി​ധാ​നം എ​ന്നി​വ​യൊ​ക്കെ പ​ദ്ധ​തി​യി​ലു​ണ്ടാ​യി​രു​ന്നു. എ​ന്നാ​ലി​വ യാ​ഥാ​ർ​ഥ്യ​മാ​കു​മോ എ​ന്ന കാ​ര്യ​ത്തി​ൽ ഇ​പ്പോ​ഴും അ​നി​ശ്ചി​ത​ത്വം തു​ട​രു​ക​യാ​ണ്.