മ​ദ്യ​പി​ക്കാ​ൻ സ്ഥ​ലം ന​ൽ​കി​യി​ല്ല: യു​വാ​വി​നെ കൊ​ല​പ്പെ​ടു​ത്താ​ൻ ശ്ര​മി​ച്ച മൂ​ന്നു​പേ​ർ അ​റ​സ്​​റ്റി​ൽ

ഇ​ര​വി​പു​രം: ക​ട​ൽ​തീ​ര​ത്തി​രു​ന്ന് മ​ദ്യ​പി​ക്കാ​ൻ സ്ഥ​ലം ന​ൽ​കാ​ത്ത​തിെൻറ പേ​രി​ൽ യു​വാ​വി​നെ ആ​ക്ര​മി​ച്ച് കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ൽ മൂ​ന്നു​പേ​രെ ഇ​ര​വി​പു​രം പൊ​ലീ​സ് അ​റ​സ്​​റ്റ്​ ചെ​യ്തു.

ഇ​ര​വി​പു​രം തെ​ക്കും​ഭാ​ഗം ഗാ​ർ​ഫി​ൽ ക്ല​ബി​ന് വ​ട​ക്ക് ജി​നു​നി​വാ​സി​ൽ ജി​നു (34), കാ​ക്ക​തോ​പ്പ് ഷൈ​നി മ​ന്ദി​ര​ത്തി​ൽ ജോ​സ് അ​ജ​യ​കു​മാ​ർ (40), ഗാ​ർ​ഫി​ൽ ക്ല​ബി​ന് സ​മീ​പം ന്യൂ ​കോ​ള​നി​യി​ൽ വി​നോ​ദ് (40) എ​ന്നി​വ​രാ​ണ് അ​റ​സ്​​റ്റി​ലാ​യ​ത്. ചൊ​വ്വാ​ഴ്ച ഉ​ച്ച​ക്ക്​ പ​തി​നൊ​ന്ന​ര​യോ​ടെ കാ​ക്ക​തോ​പ്പ് ക​ട​ൽ​തീ​ര​ത്താ​യി​രു​ന്നു സം​ഭ​വം.

വ​ല​നി​ർ​മാ​ണ​തൊ​ഴി​ലാ​ളി​ക​ളാ​യ പ്ര​തി​ക​ൾ ക​ട​പ്പു​റ​ത്തി​രു​ന്ന യു​വാ​ക്ക​ളോ​ട് അ​വി​ടെ​നി​ന്ന് മാ​റി​പ്പോ​ക​ണ​മെ​ന്നും ത​ങ്ങ​ൾ​ക്ക് അ​വി​ടെ​യി​രു​ന്ന് മ​ദ്യ​പി​ക്ക​ണ​മെ​ന്നും പ​റ​ഞ്ഞു. യു​വാ​ക്ക​ൾ അ​വി​ടെ നി​ന്ന് പോ​കാ​ൻ കൂ​ട്ടാ​ക്കാ​തി​രു​ന്ന​പ്പോ​ൾ വ​ല​യു​ടെ റോ​പ്പ് മു​റി​ക്കാ​ൻ ഉ​പ​യോ​ഗി​ക്കു​ന്ന ക​ത്തി ഉ​പ​യോ​ഗി​ച്ച് ഇ​വ​ർ ആ​ക്ര​മ​ണം ന​ട​ത്തി. കാ​ക്ക​തോ​പ്പ് ക്ലാ​വ​റ മു​ക്കി​ന് സ​മീ​പം ഹി​മേ​ഷ് വി​ല്ല​യി​ൽ ഹി​മേ​ഷി​ന്​ (20)ഗു​രു​ത​ര​മാ​യി പ​രി​ക്കേ​റ്റു. ഇ​യാ​ൾ ഇ​പ്പോ​ഴും തീ​വ്ര​പ​രി​ച​ര​ണ​വി​ഭാ​ഗ​ത്തി​ൽ​ചി​കി​ത്സ​യി​ലാ​ണ്.

സം​ഭ​വ​ത്തി​ന് ശേ​ഷം ഒ​ളി​വി​ൽ പോ​യ പ്ര​തി​ക​ളെ പി​ടി​കൂ​ടു​ന്ന​തി​നാ​യി കൊ​ല്ലം എ.​സി.​പി പ്ര​ദീ​പ് കു​മാ​റിെൻറ നി​ർ​ദേ​ശ​പ്ര​കാ​രം ഇ​ര​വി​പു​രം എ​സ്.​എ​ച്ച്.​ഒ കെ. ​വി​നോ​ദിെൻറ നേ​തൃ​ത്വ​ത്തി​ൽ അ​ന്വേ​ഷ​ണ സം​ഘം രൂ​പ​വ​ത്​​ക​രി​ക്കു​ക​യും ഒ​ളി​വി​ലാ​യി​രു​ന്ന പ്ര​തി​ക​ളെ മൂ​ന്ന് വ്യ​ത്യ​സ്​​ത സ്ഥ​ല​ങ്ങ​ളി​ൽ നി​ന്നാ​യി പി​ടി​കൂ​ടു​ക​യു​മാ​യി​രു​ന്നു. ഇ​വ​ർ ര​ക്ഷ​പ്പെ​ടാ​ൻ ഉ​പ​യോ​ഗി​ച്ച ബൈ​ക്കും ആ​ക്ര​മി​ക്കാ​ൻ ഉ​പ​യോ​ഗി​ച്ച ക​ത്തി​യും ക​ണ്ടെ​ടു​ത്തു.

ഇ​ര​വി​പു​രം എ​സ്.​ഐ​മാ​രാ​യ എ.​പി. അ​നീ​ഷ്, ദീ​പു, ബി​നോ​ദ് കു​മാ​ർ, പ്ര​കാ​ശ്, സു​നി​ൽ, ജ​യ​കു​മാ​ർ, എ.​എ​സ്.​ഐ.​മാ​രാ​യ ഷി​ബു ജെ. ​പീ​റ്റ​ർ, ജ​യ​പ്ര​കാ​ശ് എ​ന്നി​വ​രും അ​ന്വേ​ഷ​ണ​സം​ഘ​ത്തി​ലു​ണ്ടാ​യി​രു​ന്നു. പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്യും.