ഏറത്ത് അനധികൃത നിലംനികത്തൽ

അഞ്ചൽ: ഏറം ജങ്ഷനു സമീപം അനധികൃതമായി നിലം നികത്തൽ നടക്കുന്നതായി നാട്ടുകാരുടെ പരാതി. രാത്രി കാലത്താണ് ഇവിടെ മണ്ണ് തട്ടിയതെന്ന് നാട്ടുകാർ. വിവരം റവന്യൂ-കൃഷി വകുപ്പ് അധികൃതരെ അറിയിച്ചെങ്കിലും പരാതി കിട്ടിയില്ലെന്ന സാങ്കേതിക വാദം പറഞ്ഞ് അധികൃതർ ഒഴിഞ്ഞു മാറുകയാണത്രെ.

പ്രതികരിക്കുന്ന നാട്ടുകാർക്ക് മണ്ണ് മാഫിയകളുടെ ഭീഷണിയുള്ളതിനാലാണ് ആരും നേരിട്ട് പരാതിപ്പെടാത്തതെന്ന് പറയപ്പെടുന്നു. പനയഞ്ചേരി സ്വദേശിയുടേതാണ് നികത്തിയ നിലം.