കുണ്ടറ: എം.ജി.ഡി.എച്ച്.എസ്.എസ് എൻ.എസ്.എസ് യൂനിറ്റ് ക്യാമ്പിന്റെ സമാപനം പി.സി. വിഷ്ണുനാഥ് എം.എൽ.എ ഉദ്ഘാടനം ചെയ്തു. പ്രിൻസിപ്പൽ പി.കെ. തോമസ് അധ്യക്ഷത വഹിച്ചു. ഡോ.ആർ.എൻ. അൻസർ, സാബു ബെൻസിലി, എസ്. ആശ, ഫിലിപ് എം. ഏലിയാസ്, സൂസൻ, ഇമ്മാനുവേൽ എന്നിവർ സംസാരിച്ചു. പുരസ്കാരം കുണ്ടറ: ചിന്താ ദീപത്തിന്റെ ഒമ്പതാമത് മഹാകവി പാലാ പുരസ്കാരം കവിയും അധ്യാപികയുമായ ജലജപ്രാസാദിന്. 'മൗനത്തിന്റെ ഓടാമ്പൽ' കവിത സമാഹാരത്തിനാണ് പുരസ്കാരം. മലപ്പുറം മഞ്ചേരി ഗവ.ബോയിസ് ഹൈസ്കൂളിലെ അധ്യാപികയാണ്. മഹാകവി പാലായുടെ കൈയൊപ്പ് പതിച്ച ഫലകവും 25,000 രൂപ വിലയുള്ള എണ്ണ ഛായ ചിത്രവും അടങ്ങുന്നതാണ് അവാർഡ്. വെള്ളിയാഴ്ച വരെ കുടിവെള്ളം മുടങ്ങും കുണ്ടറ: കൊട്ടാരക്കര വാട്ടർ അതോറിറ്റിയുടെ പരിധിയിൽ വരുന്ന ജലജീവൻ മിഷൻ പദ്ധതിയുടെ ഭാഗമായ കുണ്ടറ, പേരയം ഉപരിതല ടാങ്കിന്റെയും, എഴുകോൺ ഭൂഗർഭ ജലസംഭരണിയുടേയും അറ്റകുറ്റപ്പണികൾ നടക്കുന്നതിനാൽ വെള്ളിയാഴ്ച വരെ എഴുകോൺ, കുണ്ടറ, പേരയം, കിഴക്കേകല്ലട പഞ്ചായത്തുകളിൽ ജലവിതരണം മുടങ്ങുമെന്ന് കൊട്ടാരക്കര അസി.എക്സി.എൻജിനീയർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.