ജില്ലയിൽ 70 ശതമാനത്തിന് രണ്ടാം ഡോസ് കൊല്ലം: കോവിഡ് വാക്സിനേഷനിൽ പുതിയൊരു നാഴികക്കല്ലുകൂടി പിന്നിട്ട് ജില്ല. രണ്ടാം ഡോസ് വാക്സിനേഷനും പൂർത്തിയാക്കി പ്രതിരോധ വഴിയിൽ 70 ശതമാനം പേർ പൂർണ സജ്ജരായി. ജില്ലയിൽ രണ്ടാം ഡോസ് സ്വീകരിച്ചവരുടെ എണ്ണം 14 ലക്ഷം പിന്നിട്ടു. ഞായറാഴ്ച വരെയുള്ള കണക്ക് പ്രകാരം 14,01,991 പേരാണ് രണ്ട് ഡോസുകളും സ്വീകരിച്ചത്. ഒന്നാം ഡോസ് എടുത്തവരുടെ ആകെ എണ്ണം 19,80,824 ആണ്. വലിയൊരു വിഭാഗം മറ്റ് ജില്ലകളിൽനിന്ന് വാക്സിൻ എടുത്തത് കൂടി കണക്കാക്കിയാൽ 20 ലക്ഷത്തിന് മുകളിൽ ആളുകൾ ജില്ലയിൽ ഒരു വാക്സിനെങ്കിലും എടുത്തിട്ടുണ്ട്. ആകെ 33,82,815 ഡോസ് വാക്സിനാണ് ഇതുവരെ ജില്ലയിൽ വിതരണം ചെയ്തത്. ഇതിൽ 30 ലക്ഷം കോവിഷീൽഡാണ് ജില്ലയിൽ വിതരണം ചെയ്തത്. 30,00,512 കോവിഷീൽഡ് ഡോസുകളാണ് ഇതുവരെ നൽകിയത്. 3,77,589 കൊവാക്സിൻ ഡോസുകളും നൽകിയിട്ടുണ്ട്. നിലവിൽ ഒമിക്രോൺ ജാഗ്രതയുടെ പശ്ചാത്തലത്തിൽ യുദ്ധകാലാടിസ്ഥാനത്തിൽ രണ്ടാം ഡോസ് സമയമായവർക്ക് വാക്സിനേഷൻ നൽകാനുള്ള യജ്ഞത്തിലാണ് ആരോഗ്യവകുപ്പ്. ഒരു ലക്ഷത്തിലധികം പേർ രണ്ടാം ഡോസ് എടുക്കാനുള്ള സമയപരിധി എത്തിയവരായി ഉണ്ട്. ഇതിനായി കൂടുതൽ സൻെററുകളും തുറന്നിട്ടുണ്ട്. ശനിയാഴ്ച ലഭിച്ച ഒരുലക്ഷം ഡോസുകൾ കൂടി ഉപയോഗിച്ച് അടുത്ത ദിവസങ്ങളിൽ കൂടുതൽ പേർക്ക് വാക്സിൻ ലഭ്യമാക്കും. ഇപ്പോഴും ദിനംപ്രതി ആയിരത്തിലധികം ആളുകൾ വീതം ഒന്നാം ഡോസ് എടുക്കാനും സൻെററുകളിൽ എത്തുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.