ഈ വിജയം കരിവെള്ളൂരിന്‍റെ വിജു കൃഷ്ണനും കൂടിയാണ്​

ചെറുവത്തൂർ: കർഷകർക്കെതിരെ അടിച്ചേൽപിച്ച കരിനിയമങ്ങൾ പിൻവലിക്കാൻ കേന്ദ്ര സർക്കാർ തീരുമാനിച്ചപ്പോൾ ശ്രദ്ധേയനാകുന്നത് കരിവെള്ളൂരി​െൻറ വിജു കൃഷ്ണൻ കൂടിയാണ്. സമരം തുടങ്ങിയതു മുതൽ ന്യൂഡൽഹിയിൽ നേതൃനിരയിൽ നിന്ന് നയിക്കാൻ ഇദ്ദേഹമുണ്ട്. 2012 മാർച്ച് 12 ന് നാസിക്കിൽ നിന്ന്​ മുംബൈ വരെ നടന്ന കർഷകരുടെ ലോങ്​ മാർച്ച് സംഘടിപ്പിക്കുന്നതിൽ മുന്നിൽനിന്ന് പ്രവർത്തിച്ചതും വിജുവായിരുന്നു.

എസ്.എഫ്.ഐയിലൂടെയായിരുന്നു വിജു കൃഷ്ണൻ രാഷ്​ട്രീയ ജീവിതം ആരംഭിച്ചത്. ജെ.എൻ.യുവിൽ ഗവേഷണ വിദ്യാർഥിയായിരിക്കെ വിദ്യാർഥി യൂനിയൻ പ്രസിഡൻറായി. ഗവേഷണ ബിരുദം നേടിയതിനുശേഷം ബംഗളൂരുവിലെ സെൻറ്​ ജോസഫ്‌സ് കോളജിൽ അധ്യാപകനും വകുപ്പ് മേധാവിയുമായി.തുടർന്ന് ജോലി ഉപേക്ഷിച്ച് മുഴുസമയ രാഷ്​ട്രീയ പ്രവർത്തകനായി മാറുകയായിരുന്നു. അഖിലേന്ത്യ കിസാൻ സഭ, സി.പി.എം എന്നിവയുടെ കേന്ദ്ര കമ്മിറ്റിയംഗമാണ്. കണ്ണൂർ കരിവെള്ളൂരിൽ പി. കൃഷ്‌ണ​െൻറയും ശ്യാമളയുടെയും മകനാണ്​.