കാസർകോട്: കേന്ദ്ര സർക്കാറിൻെറ കാർഷിക ബിൽ പിൻവലിക്കണമെന്നാവശ്യപ്പെട്ട് തലസ്ഥാനനഗരിയിൽ കർഷകർ നടത്തിവരുന്ന സമരത്തിന് ഐക്യദാർഢ്യം പ്രകടിപ്പിച്ച് ഡിസംബർ 26ന് പി.ഡി.പി സംസ്ഥാന കമ്മിറ്റിയുടെ നേതൃത്വത്തിൽ നടത്തുന്ന രാജ്ഭവൻ മാർച്ചിൻെറ ഭാഗമായി പി.ഡി.പി ജില്ല കമ്മിറ്റിയുടെ നേതൃത്വത്തിൽ ഹൈവേ മാർച്ച് നടത്തി. പി.ഡി.പി സംസ്ഥാന ജനറൽ സെക്രട്ടറി അജിത്കുമാർ ആസാദ്, പി.ഡി.പി കാസർകോട് ജില്ല കമ്മിറ്റി പ്രസിഡൻറ് ചുമതല വഹിക്കുന്ന സംസ്ഥാന സെക്രട്ടറി സുബൈർ പടുപ്പിന് പതാക കൈമാറി ഉദ്ഘാടനം ചെയ്തു. കാർഷികവിളകൾ തലയിലേന്തി ചെണ്ടമേളങ്ങളുടെ അകമ്പടിയോടെയാണ് ഹൈവേ മാർച്ച് നടത്തിയത്. സംസ്ഥാന ജനറൽ സെക്രട്ടറിമാരായ എസ്.എം. ബഷീർ കുഞ്ചത്തൂർ, ഗോപി കുതിരക്കൽ എന്നിവർ സംസാരിച്ചു. ജില്ല വൈസ് പ്രസിഡൻറ് ശാഫി ഹാജി അഡൂർ, ജില്ല സെക്രട്ടറി അബ്ദുറഹ്മാൻ പുത്തിഗെ, പി.ടി.യു.സി സംസ്ഥാന ജനറൽ സെക്രട്ടറി യൂനുസ് തളങ്കര, മൊയ്തു ബേക്കൽ തുടങ്ങിയവർ ഹൈവേ മാർച്ചിന് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.