നീലേശ്വരം: മാഫിയ സംഘങ്ങളും അന്താരാഷ്ട്ര കള്ളക്കടത്തുകാരും ഭരണകൂടത്തിൻെറ ഭാഗമാകുമ്പോൾ ഉണ്ടാകുന്ന അരാജകത്വമാണ് കേരളം ഇപ്പോൾ അഭിമുഖീകരിക്കുന്ന പ്രശ്നമെന്ന് രാജ്മോഹൻ ഉണ്ണിത്താൻ എം.പി. അച്ഛനും മകനും തമ്മിൽ ബന്ധമുണ്ടോയെന്ന വലിയ ത്വാതിക അവലോകനവും ചർച്ചയും നടത്താൻ മാത്രം ഒരു പാർട്ടി കേരളത്തിൽ അധഃപതിച്ചിട്ടുണ്ടെങ്കിൽ അത് സി.പി.എമ്മാണ്. ഭരണ- പാർട്ടി വിരുദ്ധ ജനവികാരം ഇത്തവണ യു.ഡി.എഫിന് ചരിത്രവിജയം സമ്മാനിക്കുമെന്ന് അദ്ദേഹം കൂട്ടിച്ചേർത്തു. നീലേശ്വരം ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ കെ.പി.സി.സി ഭാരവാഹികൾക്കും ത്രിതല പഞ്ചായത്ത്, നഗരസഭ അംഗങ്ങൾക്കുമായി സംഘടിപ്പിച്ച സ്നേഹാദരം പരിപാടി ഉദ്ഘാടം ചെയ്യുകയായിരുന്നു അദ്ദേഹം. ബ്ലോക്ക് പ്രസിഡൻറ് മഡിയൻ ഉണ്ണികൃഷ്ണൻ അധ്യക്ഷത വഹിച്ചു. കെ.പി.സി.സി സെക്രട്ടറിമാരായ എം. അസിനാർ, ബാലകൃഷ്ണൻ പെരിയ, എക്സിക്യൂട്ടിവ് അംഗങ്ങളായ അഡ്വ.കെ.കെ.നാരായണൻ, പി.കെ.ഫൈസൽ, മുൻ ബ്ലോക്ക് കോൺഗ്രസ് കമ്മിറ്റി പ്രസിഡൻറ് എം.രാധാകൃഷ്ണൻ നായർ, ഡി.സി.സി ജനറൽ സെക്രട്ടറി മാമുനി വിജയൻ, കെ.വി സുധാകരൻ, എറുവാട്ട് മോഹനൻ, പി. രാമചന്ദൻ, ഒ.ഉണ്ണികൃഷ്ണൻ മാസ്റ്റർ, കെ.എം. തമ്പാൻനായർ, വി. കൃഷ്ണൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.