ഒരു നാട് പ്രാർഥിക്കുന്നു; ആരാധ്യമോളുടെ തിരിച്ചുവരവിനായ്

ചെറുവത്തൂർ: ചീമേനി ചെമ്പ്രകാനത്തെ രതീഷി​ൻെറയും ലിജിയുടേയും മൂത്തമകളാണ് ആരാധ്യമോൾ. മസ്തിഷ്കത്തിൽ അണുബാധയേറ്റതിനാൽ 17 ദിവസമായി മംഗലാപുരത്തെ സ്വകാര്യ ആശുപത്രിയിലാണ്. ഓടിച്ചാടി നടക്കുന്നതിനിടെയാണ് രോഗാണുബാധയുണ്ടായത്. വൻെറിലേറ്റർ സഹായത്താലാണ് ജീവൻ നിലനിർത്തിപ്പോരുന്നത്. ചികിത്സക്കായ് ദിവസവും 20,000 രൂപയോളമാണ് ചെലവ്. ചികിത്സ തുടർന്ന് കൊണ്ടുപോകാൻ രതീഷി​ൻെറ പാവപ്പെട്ട കുടുംബത്തിന് കഴിയാത്ത സ്ഥിതിയാണ്. ആരാധ്യമോളെ പഴയ ജീവിതത്തിലേക്ക് തിരിച്ചുകൊണ്ടുവരാൻ ചീമേനിയിലെ നാട്ടുകാർ രംഗത്തിറങ്ങി കഴിഞ്ഞു. 'കൈത്താങ്ങ്' ചീമേനിയുടെ നേതൃത്വത്തിലാണ് സഹായം സ്വരൂപിക്കുന്നത്. രണ്ടര വയസ്സുള്ള മകനെ നാട്ടിലാക്കിയാണ് രതീഷും ലിജിയും ആശുപത്രിയിൽ ആരാധ്യമോളുടെ വരവും കാത്ത് ആശുപത്രിയിൽ കഴിയുന്നത്.