കാഞ്ഞങ്ങാട്: രാജപുരം പൂടങ്കല്ലിൽ കാണാതായ പെൺകുട്ടിയുടെ മൃതദേഹം കണ്ടെത്തി. ചുള്ളിക്കര പൂടങ്കല്ലിലെ നാരായണൻ -രമണി ദമ്പതിമാരുടെ മകൾ ശ്രീലക്ഷ്മിയുടെ (21) മൃതദേഹമാണ് ഞായറാഴ്ച രാവിലെ 11.30 ഓടെ ചുള്ളിക്കര കാഞ്ഞിരത്തടി പാലത്തിനു സമീപത്തുനിന്നും കണ്ടുകിട്ടിയത്. ശനിയാഴ്ച വൈകീട്ട് 5.30 ഓടെയാണ് പെൺകുട്ടിയെ കാണാതായത്. വീടിനോട് ചേർന്നുള്ള തോട്ടിൽ വീണതാകാമെന്നു വീട്ടുകാർ സംശയം പ്രകടിപ്പിച്ചിരുന്നു. തുടർന്ന് തിരച്ചിൽ നടത്തിയെങ്കിലും കാലാവസ്ഥ പ്രതികൂലമായതിനാൽ കൂടുതൽ നേരം തുടരാൻ കഴിഞ്ഞില്ല. ഞായറാഴ്ച രാവിലെ കൊട്ടോടി, പൂടങ്കല്ല് പ്രദേശത്തുകാർ നടത്തിയ തിരച്ചിലിനിടെയാണ് തോടിനോട് ചേർന്ന കുറ്റിച്ചെടിയിൽ കുടുങ്ങിയ മൃതദേഹം കണ്ടെത്തിയത്. ഗുജറാത്തിൽ മൂന്നാം വർഷ അഗ്രിക്കൾച്ചർ വിദ്യാർഥിനിയാണ് ശ്രീലക്ഷ്മി. സഹോദരൻ: ഹരി. രാജപുരം പൊലീസ് ഇൻക്വസ്റ്റ് നടത്തിയ മൃതദേഹം കാഞ്ഞങ്ങാട് ജില്ല ആശുപത്രിയിലേക്ക് മാറ്റി. പടം ksd death sreelakshmi
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.