21 വാര്‍ഡുകള്‍ കൂടി കണ്ടെയ്ന്‍മൻെറ് സോണില്‍ കണ്ണൂർ: ജില്ലയില്‍ പുതുതായി കോവിഡ് സ്ഥിരീകരിച്ച 21 തദ്ദേശ സ്ഥാപന വാര്‍ഡുകള്‍ കൂടി കണ്ടെയ്ന്‍മൻെറ് സോണുകളായി ജില്ല കലക്ടര്‍ ടി.വി. സുഭാഷ് പ്രഖ്യാപിച്ചു. ഇവയില്‍ സമ്പര്‍ക്കം വഴി രോഗബാധയുണ്ടായ മട്ടന്നൂര്‍ നഗരസഭ (18, 23), പയ്യന്നൂര്‍ നഗരസഭ (നാല്, 18), ഇരിക്കൂര്‍ (രണ്ട്), കണ്ണൂര്‍ കോര്‍പറേഷന്‍ (ഏഴ്, 14), പാട്യം (ഏഴ്), തലശ്ശേരി നഗരസഭ (ഒമ്പത്, 43), ചിറ്റാരിപ്പറമ്പ് (രണ്ട്), കടന്നപ്പള്ളി പാണപ്പുഴ (11), തളിപ്പറമ്പ് നഗരസഭ (23), കോട്ടയം മലബാര്‍ (മൂന്ന്), ചപ്പാരപ്പടവ് (14), പാപ്പിനിശ്ശേരി (17), ചിറക്കല്‍ (17, 18), പേരാവൂര്‍ (രണ്ട്), കണിച്ചാര്‍ (അഞ്ച്) എന്നീ വാര്‍ഡുകള്‍ പൂര്‍ണമായി അടച്ചിടും. അതോടൊപ്പം, പുറമെനിന്നെത്തിയവരില്‍ രോഗബാധ കണ്ടെത്തിയ ആറളം പഞ്ചായത്തിലെ ആറാം വാര്‍ഡ് രോഗിയുടെ വീട് കേന്ദ്രമാക്കി 100 മീറ്റര്‍ ചുറ്റളവില്‍ വരുന്ന പ്രദേശങ്ങള്‍ കണ്ടെയ്ന്‍മൻെറ് സോണാക്കും. കണ്ടെയ്ന്‍മൻെറ് സോണില്‍ ഉള്‍പ്പെട്ടിരുന്ന തളിപ്പറമ്പ് നഗരസഭ (21, 28, 34), പട്ടുവം (അഞ്ച്, 11), കുറുമാത്തൂര്‍ (ഏഴ്, എട്ട്), ആന്തൂര്‍ നഗരസഭ (20, 28), രാമന്തളി (ഒന്ന്, രണ്ട്, 11, 12), ചെങ്ങളായി (രണ്ട്, 18), പായം (18), കീഴല്ലൂര്‍ (മൂന്ന്) വാര്‍ഡുകള്‍ നിയന്ത്രണങ്ങളില്‍നിന്ന് ഒഴിവാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.