തുക തിരിച്ചുപിടിക്കൽ നടപടിയാരംഭിച്ചു കണ്ണൂർ: പി.എം കിസാൻ സമ്മാൻ നിധി പദ്ധതി പ്രകാരം ജില്ലയിൽ അർഹതയില്ലാതെ പണം കൈപ്പറ്റിയവർ കുടുങ്ങും. 825 പേരാണ് അനർഹമായി ധനസഹായം കൈപ്പറ്റുന്നത്. ആദായനികുതി അടക്കുന്ന ഇവർ പണം തിരിച്ചടക്കേണ്ടി വരും. ഗുണഭോക്താക്കളിൽ 178 പേർ മരണപ്പെട്ടിട്ടുണ്ട്. മരണശേഷം അക്കൗണ്ടിലെത്തിയ പണവും തിരിച്ചുപിടിക്കും. ഇതിൽ ചിലരുടെ പണം അവകാശികൾ പിൻവലിച്ചതായി കരുതുന്നുണ്ട്. അനർഹരെ കണ്ടെത്തി പണം തിരിച്ചടപ്പിക്കാനുള്ള നടപടികൾ സ്വീകരിക്കണെമന്നാവശ്യപ്പെട്ട് കേന്ദ്രം ജില്ല പ്രിൻസിപ്പൽ കൃഷി ഓഫിസർക്ക് നിർദേശം നൽകി. അടുത്തദിവസം കൃഷി ഓഫിസർമാർക്ക് നിർദേശം കൈമാറും. പണം തിരിച്ചുപിടിക്കുന്നതിനായി പ്രത്യേക ബാങ്ക് അക്കൗണ്ട് ഉപയോഗിക്കുമെന്നാണ് കരുതുന്നത്. ഡി.ഡി എടുത്ത് കൃഷിവകുപ്പ് ഓഫിസിലേക്ക് പണം അയക്കാൻ നിർദേശം നൽകുമെന്നും വിവരമുണ്ട്. ഇത് സംബന്ധിച്ച് തീരുമാനമായില്ലെന്നാണ് അറിയുന്നത്. രണ്ട് ഹെക്ടർ വരെ കൃഷി ഭൂമിയുള്ള ഇടത്തരം, ചെറുകിട കൃഷിക്കാർക്ക് മൂന്ന് ഗഡുക്കളായി വർഷം 6000 രൂപ നൽകുന്നതാണ് പി.എം കിസാൻ പദ്ധതി. 2019 ഫെബ്രുവരിയിൽ ആരംഭിച്ച പദ്ധതി പ്രകാരം 2018 ഡിസംബർ മുതലുള്ള തുക നൽകിയിട്ടുണ്ട്. ജില്ലയിലെ 33,8464 പേരാണ് കിസാൻ സമ്മാൻനിധി ആനുകൂല്യം കൈപ്പറ്റുന്നത്. അപേക്ഷകൾ പ്രത്യേകിച്ച് പരിശോധിക്കാത്തതിനാൽ കൃഷി ചെയ്യാത്തവരടക്കം അനർഹർ കൂടുതലായി ഉൾപ്പെട്ടിട്ടുണ്ടെന്നാണ് വിവരം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.