പയ്യന്നൂർ: രാമന്തളി മുസ്ലിം യൂത്ത് സൻെറർ (ആർ.എം.വൈ.സി) വക രാമന്തളി, പുഞ്ചക്കാട്, പുതിയപുഴക്കര മഹല്ലുകളിലെ ഉസ്താദുമാർക്ക് കോവിഡ് കാലത്തെ സാമ്പത്തിക സഹായമായ ഹദിയ - 2021 പദ്ധതിയിൽ പ്രഖ്യാപിച്ച സഹായ നിധി വിതരണം നടത്തി. ആർ.എം.വൈ.സി മുഖ്യരക്ഷാധികാരി ഉസ്മാൻ കരപ്പാത്ത് രാമന്തളി മുസ്ലിം ജമാഅത്ത് കമ്മിറ്റി പ്രസിഡൻറ് കെ.പി.സി. അബ്ദുറഹ്മാന് സഹായ നിധി കൈമാറി. ചടങ്ങിൽ 17 ശുഹദ തഫ്ഹീമുൽ ഖുർആൻ ഹിഫ്ള് കോളജിൽനിന്ന് ഖുർആൻ മന:പാഠമാക്കിയ നിദാൽ അബ്ദുൽ ജബ്ബാറിനെ ആർ.എം.വൈ.സി അബൂദബി കമ്മിറ്റിയുടെ സ്നേഹോപഹാരം നൽകി ആദരിച്ചു. രാമന്തളി ശാഖ മുസ്ലിം ലീഗ് പ്രസിഡൻറ് കക്കുളത്ത് അബ്ദുൽ ഖാദർ ഉപഹാരം നൽകി. ജമാഅത്ത് കമ്മിറ്റി സെക്രട്ടറി ഇ. അബൂബക്കർ, പി.എം. അബ്ദുൽ ലത്തീഫ്, പി.പി. സുലൈമാൻ ഹാജി, ആർ.എം.വൈ.സി ഓർഗനൈസിങ് സെക്രട്ടറി സഫീർ, യു.ടി. ഇസ്മാഈൽ കരപ്പാത്ത്, എം.സി. അഷ്‌റഫ്‌, എം.കെ. ഹുസൈനാർ, എം.സി. അബ്ബാസ്, കെ.പി.എം. ഇബ്രാഹിം, യു. അബ്ദുറഹ്മാൻ, പി. അബ്ദുൽ ജബ്ബാർ, മടക്കാൽ അഷറഫ് തുടങ്ങിയവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.