കണ്ണൂര്‍: കണ്ണൂർ റൂറല്‍ ജില്ല പൊലീസ് മേധാവിയായി നവനീത് ശര്‍മ ശനിയാഴ്ച ചുമതലയേറ്റു. ജില്ല പൊലീസ് ആസ്ഥാനത്ത് ജില്ല പൊലീസ് മേധാവി യതീഷ് ചന്ദ്രയില്‍നിന്നാണ് റൂറല്‍ എസ്.പിയുെട ചുമതല ഏറ്റെടുത്തത്. കണ്ണൂർ സിറ്റി പൊലീസ് കമീഷണർ ആർ. ഇളങ്കോ തിങ്കളാഴ്ച ചുമതലയേൽക്കും. ക്രമസമാധാന പാലനം കൂടുതൽ കാര്യക്ഷമമാക്കുന്നതിൻെറ ഭാഗമായാണ് കണ്ണൂർ പൊലീസിനെ സിറ്റി, റൂറൽ എന്നിങ്ങനെ രണ്ടായി വിഭജിച്ചത്. മാങ്ങാട്ടുപറമ്പ് കെ.എ.പി ക്യാമ്പിലാണ് റൂറൽ എസ്.പിയുടെ ആസ്ഥാനമൊരുക്കാൻ തീരുമാനിച്ചതെങ്കിലും സൗകര്യക്കുറവ് കാരണം കണ്ണൂർ നഗരത്തിലെ എ.ആർ ക്യാമ്പിനോട് ചേർന്ന് താൽക്കാലിക ഓഫിസ് ഒരുക്കും. തളിപ്പറമ്പ്, ഇരിട്ടി സബ് ഡിവിഷനുകളാണ് മാങ്ങാട്ടുപറമ്പ് ആസ്ഥാനമായുള്ള റൂറലിന് കീഴിലുള്ളത്. പയ്യന്നൂർ, പെരിങ്ങോം, ചെറുപുഴ, പരിയാരം, പഴയങ്ങാടി, തളിപ്പറമ്പ്, ആലക്കോട്, കുടിയാൻമല, ശ്രീകണ്ഠപുരം, പയ്യാവൂർ, ഇരിട്ടി, ആറളം, കരിക്കോട്ടക്കരി, ഉളിക്കൽ, മാലൂർ, ഇരിക്കൂർ, മുഴക്കുന്ന്, കേളകം, പേരാവൂർ എന്നീ പൊലീസ് സ്റ്റേഷനുകളാണ് റൂറലിൻെറ പരിധിയിൽ വരുക. കണ്ണൂർ, തലശ്ശേരി സബ് ഡിവിഷനുകളും മട്ടന്നൂർ വിമാനത്താവളവുമാണ് കണ്ണൂർ സിറ്റിക്ക് കീഴിൽ. photo: sp 02
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.