പാടിയോട്ടുചാല്: പാടിയോട്ടുചാല്-ചീമേനി റോഡില് പോത്താങ്കണ്ടത്ത് തോടിനു കുറുകെയുള്ള ഇടുങ്ങിയ പാലത്തിനു സമീപം നിര്ത്തിയിട്ടിരുന്ന ടിപ്പര്, പിന്നില് ടോറസ് ലോറി ഇടിച്ചതിനെ തുടര്ന്ന് തോട്ടിലേക്കു വീണു. തോടിനു കുറുകെയുള്ള ഇടുങ്ങിയ പാലത്തിലൂടെ കാര് പോകാന് കാത്തുനിന്ന ടിപ്പര് ലോറിക്കുപിന്നില് കുത്തനെയുള്ള ഇറക്കം ഇറങ്ങിവന്ന ടോറസ് ഇടിക്കുകയായിരുന്നു. ബുധനാഴ്ച രാവിലെ ഒമ്പതോടെയായിരുന്നു അപകടം. കാലപ്പഴക്കത്താല് ജീര്ണിച്ച പാലത്തിൽ ഒരു വാഹനത്തിന് കഷ്ടിച്ചു പോകാനുള്ള വീതിയേയുള്ളൂ. പാലത്തിൻെറ ഇരുഭാഗത്തും കുത്തനെയുള്ള കയറ്റമായതിനാല് ഇറക്കം ഇറങ്ങിവരുന്ന വാഹനങ്ങള് അപകടത്തില്പെടുന്നത് പതിവാണ്. റോഡ് നിര്മാണത്തിനായി ടാര് മിക്സു ചെയ്ത മെറ്റലുമായി കുന്നുംകൈ ഭാഗത്തേക്ക് പോവുകയായിരുന്നു ടോറസ്. റോഡിലെ കയറ്റം കുറച്ചും പാലം പുതുക്കിപ്പണിതും അപകടസാധ്യത ഒഴിവാക്കണമെന്ന നാട്ടുകാരുടെ നിരന്തര ആവശ്യത്തെ തുടര്ന്ന് റോഡ് നവീകരണത്തിന് തുക അനുവദിച്ചിരിക്കെയാണ് വീണ്ടും അപകടം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.