പാടിയോട്ടുചാല്‍: വോട്ടെടുപ്പിനു പിന്നാലെ പാടിയോട്ടുചാല്‍ ടൗണിലെ ഓട്ടോറിക്ഷ തൊഴിലാളിയും ഐ.എന്‍.ടി.യു.സി പ്രവര്‍ത്തകനുമായ പാടിക്കൊച്ചിയിലെ വി.പി. നോബിളിൻെറ ഓട്ടോറിക്ഷ തീയിട്ടു നശിപ്പിച്ച സംഭവത്തില്‍ പ്രതികളെ അറസ്റ്റ് ചെയ്യാന്‍ വൈകുന്നതില്‍ പ്രതിഷേധിച്ച് കോണ്‍ഗ്രസ് പ്രക്ഷോഭത്തിനൊരുങ്ങുന്നു. പെരിങ്ങോം, വയക്കര മണ്ഡലം കോണ്‍ഗ്രസ് കമ്മിറ്റികളുടെ നേതൃത്വത്തില്‍ ശനിയാഴ്ച രാവിലെ 10ന് ചെറുപുഴ പൊലീസ് സ്റ്റേഷനിലേക്കു മാര്‍ച്ച് സംഘടിപ്പിക്കുമെന്നു നേതാക്കള്‍ അറിയിച്ചു. ഓട്ടോറിക്ഷ തീവെച്ചു നശിപ്പിച്ചതിനു പിന്നില്‍ ഡി.വൈ.എഫ്.ഐ പ്രവര്‍ത്തകരാണെന്നും നോബിളിൻെറ വീടിനു തീയിടാനായിരുന്നു അക്രമികളുടെ ശ്രമമെന്നും നേതാക്കള്‍ പറഞ്ഞു. പ്രതികളെ കണ്ടെത്താന്‍ സഹായിക്കുന്ന എല്ലാ തെളിവുകളും സംഭവസ്ഥലത്തുനിന്നും പൊലീസിന് ലഭിച്ചിട്ടും അറസ്റ്റ് ചെയ്യാന്‍ വൈകുന്നത് രാഷ്ട്രീയ ഇടപെടലുകള്‍ മൂലമാണ്. ഡി.സി.സി പ്രസിഡൻറ് സതീശന്‍ പാച്ചേനി ഉദ്ഘാടനം ചെയ്യുമെന്നും നേതാക്കളായ രവി പൊന്നംവയല്‍, എം. ഉമ്മര്‍, വി.എം. ദാമോദരന്‍ നമ്പീശന്‍, സി. സുന്ദരന്‍, അനില്‍കുമാര്‍ എന്നിവര്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.