തളിപ്പറമ്പ്: കുറുമാത്തൂർ ഗ്രാമപഞ്ചായത്തിൽ ചൊറുക്കള വാർഡിൽ നിന്നുള്ള അംഗം കെ. ശശിധരൻ ആദ്യം സത്യപ്രതിജ്ഞ ചെയ്തു. വരണാധികാരി കെ. അരവിന്ദാക്ഷൻ സത്യവാചകം ചൊല്ലിക്കൊടുത്തു. സി.പി.എം പ്രസിഡൻറ് സ്ഥാനത്തേക്ക് പരിഗണിക്കുന്ന പൂമംഗലം വാർഡിൽ നിന്നുള്ള അംഗം വി.എം. സീന, വൈസ് പ്രസിഡൻറ് സ്ഥാനത്തേക്ക് പരിഗണിക്കുന്ന മുണ്ടേരി വാർഡിൽ നിന്നുള്ള അംഗം പാച്ചേനി രാജീവൻ തുടങ്ങിയവരും സത്യവാചകം ചൊല്ലി. പരിയാരം ഗ്രാമപഞ്ചായത്തിൽ മുതിർന്ന അംഗവും സി.പി.എം വൈസ് പ്രസിഡൻറ് സ്ഥാനത്തേക്ക് പരിഗണിക്കുന്ന മെംബർ കൂടിയായ ആർ. ഗോപാലനാണ് ആദ്യം സത്യപ്രതിജ്ഞ ചെയ്തത്. കാഞ്ഞിരങ്ങാട് വാർഡിൽ നിന്നുള്ള ജനപ്രതിനിധിയാണ് ഇദ്ദേഹം. വരണാധികാരി എം.എ. മാത്യു സത്യവാചകം ചൊല്ലിക്കൊടുത്തു. പ്രസിഡൻറ് സ്ഥാനത്തേക്ക് പരിഗണിക്കുന്ന ചെറിയൂർ വാർഡിലെ മെംബർ ടി. ഷീബ, യു.ഡി.എഫ് പഞ്ചായത്ത് കമ്മിറ്റി ചെയർമാൻ പി.വി. അബ്ദുൽ ഷുക്കൂർ തുടങ്ങിയവരും സത്യപ്രതിജ്ഞ ചെയ്തു. ജില്ലയിലെ പ്രായം കുറഞ്ഞ അംഗവും 21കാരിയുമായ ദൃശ്യ ദിനേശനും ഇതിൽപെടുന്നു. പട്ടുവം പഞ്ചായത്തിൽ എൽ.ഡി.എഫ് വൈസ് പ്രസിഡൻറ് സ്ഥാനത്തേക്ക് പരിഗണിക്കുന്ന മുതുകുട വാർഡിൽ നിന്നുള്ള അംഗം വി.വി. രാജനാണ് ആദ്യം സത്യപ്രതിജ്ഞ ചൊല്ലിയത്. വരണാധികാരി എം.എം. റെജി മോൾ സത്യവാചകം ചൊല്ലിക്കൊടുത്തു. പട്ടുവം പഞ്ചായത്ത് മുസ്ലിം ലീഗ് പ്രസിഡൻറ് കെ. ഹാമിദ്, ബി.ജെ.പി അംഗം ആർ.വി. ജ്യോത്സ്ന എന്നിവരും സത്യപ്രതിജ്ഞ ചൊല്ലിയവരിൽപെടുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.