ശ്രീകണ്ഠപുരം: തദ്ദേശ തെരഞ്ഞെടുപ്പിൽ മത്സരിക്കുന്ന സ്ഥാനാർഥികൾ ഒരു വേദിയിൽ വികസന കാഴ്ചപ്പാടുകൾ പങ്കിട്ടപ്പോൾ . ചുഴലി നവഭാവന ഗ്രന്ഥാലയത്തിൻെറ ആഭിമുഖ്യത്തിലാണ് ചെങ്ങളായി ഗ്രാമപഞ്ചായത്ത് നാലാം വാർഡിലെ സ്ഥാനാർഥികളെ പങ്കെടുപ്പിച്ച് മുഖാമുഖം നടത്തിയത്. സ്ഥാനാർഥികളായ അഡ്വ. കെ.പി. അബൂബക്കർ, കെ.പി. അബൂബക്കർ, എ. ഗോവിന്ദൻ, പി.എം. ഷാഹുൽ ഹമീദ് എന്നിവർ തങ്ങളുടെ വികസന കാഴ്ചപ്പാടുകൾ വോട്ടർമാരുമായി പങ്കുവെച്ചു. ലൈബ്രറി കൗൺസിൽ മേഖല കമ്മിറ്റി അംഗം എം. ഗിരീഷ് കുമാർ മോഡറേറ്ററായി. വിവിധ രാഷ്ട്രീയ പാർട്ടി പ്രതിനിധികളായ പി. ബാലകൃഷ്ണൻ, പി. അബ്ദുൽ റഹ്മാൻ, മുഹമ്മദ് അജ്മൽ, എ. ഗംഗാധരൻ എന്നിവരും സ്വാശ്രയ സംഘം,കുടുംബശീ,വായനശാല പ്രതിനിധികളും മറ്റ് പൊതുപ്രവർത്തകരും സംവാദത്തിൽ പങ്കെടുത്തു. വി. ഗംഗാധരൻ സ്വാഗതവും പി. പ്രണവ് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.