കണ്ണൂര്: വണ് ഇന്ത്യ വണ് പെന്ഷൻ സംഘടനയുടെ ജില്ല ആസ്ഥാനം പുതിയ ബസ്സ്റ്റാൻഡ് കെട്ടിടത്തില് മൂന്നാം നിലയില് ബുധനാഴ്ച വൈകീട്ട് നാലിന് സംസ്ഥാന പ്രസിഡൻറ് പി.എം.കെ. ബാവ ഉദ്ഘാടനം ചെയ്യുമെന്ന് ഭാരവാഹികൾ വാർത്തസമ്മേളനത്തിൽ പറഞ്ഞു. 60 വയസ്സ് കഴിഞ്ഞ എല്ലാ വയോജനങ്ങള്ക്കും മാസം 10,000 രൂപ പെന്ഷന് അനുവദിക്കണമെന്ന ആവശ്യം മുന്നിര്ത്തി പ്രവര്ത്തിക്കുന്ന സംഘടനയാണ് വണ് ഇന്ത്യ വണ് പെന്ഷന്. പരിപാടിയോടനുബന്ധിച്ച് മൂന്നിന് സ്റ്റേഡിയം കോര്ണര് പരിസരത്തുനിന്ന് വിളംബര ജാഥ നടത്തും. ഉദ്ഘാടന ചടങ്ങില് ജില്ലതല മെംബര്ഷിപ് വിതരണവും നടക്കും. വാര്ത്തസമ്മേളനത്തില് ജില്ല പ്രസിഡൻറ് ചെല്ലൂര് സജീവന്, സംസ്ഥാന വൈസ് പ്രസിഡൻറ് ബെന്നി എബ്രഹാം, ട്രഷറര് മുഹമ്മദ് ശെരീഫ്, ജില്ല ജോ. സെക്രട്ടറി വി. സജീവന് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.