ശ്രീജിത്തിൻെറ ഭഗവതി ശിൽപം നാടൻകല അക്കാദമിയിലേക്ക് കല്യാശ്ശേരി: പ്രമുഖ ശിൽപി ശ്രീജിത്ത് അഞ്ചാംപീടികയുടെ കരവിരുതിൽ ചാലിച്ചെടുത്ത പുതിയ ഭഗവതി തെയ്യ ശിൽപം കണ്ണൂർ നാടൻകല അക്കാദമി ആസ്ഥാനത്ത് ഇനി മുഖ്യ ആകർഷണമാകും. പൂർണമായും ഫൈബർ ഗ്ലാസിലാണ് ശിൽപം നിർമിച്ചത്. 12 അടി ഉയരമുള്ള ശിൽപം പുതിയ ഭഗവതി തെയ്യത്തിൻെറ രൂപവും സൗന്ദര്യവും തനിമയും ഒട്ടും ചോരാതെയാണ് നിർമിച്ചത്. ശിൽപ നിർമാണത്തിന് തെയ്യം കലാകാരൻ ബാലകൃഷ്ണ പെരുവണ്ണാൻെറ നിർദേശങ്ങളും ഉപദേശങ്ങളും ലഭിച്ചിരുന്നതായി ശിൽപി പറഞ്ഞു. ചെറുപ്പത്തിൽ തന്നെ ശിൽപ നിർമാണത്തിൽ വൈഭവം കാണിച്ച ശ്രീജിത്തിൻെറ നിരവധി തെയ്യ ശിൽപങ്ങൾ ഇതിനകം വിദേശങ്ങളിലെ നിരവധി മ്യൂസിയങ്ങളിൽ സ്ഥാനം പിടിച്ചിട്ടുണ്ട്. കൂടാതെ ഗാന്ധി ശിൽപങ്ങൾ ശ്രീജിത്തിൻെറ കരവിരുതിൻെറ പ്രതീകമായി ജില്ലയുടെ വിവിധ ഭാഗങ്ങളിലും സ്ഥാനം പിടിച്ചിട്ടുണ്ട്. പ്രമുഖ ചിത്രകാരൻ കെ.കെ. മാരാരുടെ നിർദേശപ്രകാരം ജർമനിയിലെ സ്റ്റുഡ് ഗാർട്ട് മ്യൂസിയത്തിൽ പുള്ളൂർകാളി തെയ്യ ശിൽപവും സ്ഥാനം പിടിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.