കണ്ണൂർ: തദ്ദേശ സ്ഥാപന തെരഞ്ഞെടുപ്പുമായി ബന്ധപ്പെട്ട് പുതുതായി തെരഞ്ഞെടുപ്പ് ഡ്യൂട്ടിക്ക് നിയമന ഉത്തരവ് ലഭിച്ച പ്രിസൈഡിങ് ഓഫിസര്‍മാര്‍ക്കും ഫസ്റ്റ് പോളിങ് ഓഫിസര്‍മാര്‍ക്കുമുള്ള പരിശീലനം തിങ്കളാഴ്ച രാവിലെ 10ന് നടക്കും. ഗ്രാമപഞ്ചായത്ത് തലത്തില്‍ നിയമിക്കപ്പെട്ടവര്‍ക്ക് അതത് ബ്ലോക്ക് കേന്ദ്രങ്ങളിലും കോര്‍പറേഷന്‍, മുനിസിപ്പാലിറ്റി തലങ്ങളില്‍ നിയമിക്കപ്പെട്ടവര്‍ക്ക് കണ്ണൂര്‍ വൊക്കേഷനല്‍ ഹയര്‍ സെക്കൻഡറി സ്‌കൂള്‍ ജൂബിലി ഹാളിലുമാണ് പരിശീലനം. നിയമന ഉത്തരവ് ലഭിച്ച മുഴുവന്‍ പേരും ഉത്തരവില്‍ പറഞ്ഞതുപ്രകാരം പരിശീലനത്തില്‍ പങ്കെടുക്കണമെന്ന് ജില്ല തെരഞ്ഞെടുപ്പ് ഓഫിസര്‍ കൂടിയായ ജില്ല കലക്ടര്‍ അറിയിച്ചു. ജില്ലയില്‍ നവംബര്‍ 30 മുതല്‍ ഡിസംബര്‍ മൂന്നുവരെ നടന്ന പരിശീലന ക്ലാസുകളില്‍ പങ്കെടുക്കാന്‍ സാധിക്കാതിരുന്ന ഉദ്യോഗസ്ഥരും തിങ്കളാഴ്ച നടക്കുന്ന ക്ലാസില്‍ പങ്കെടുക്കണം. വീഴ്ച വരുത്തുന്ന ഉദ്യോഗസ്ഥര്‍ക്കെതിരെ നിയമ നടപടി സ്വീകരിക്കുമെന്നും കലക്ടര്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.