ജോർജുകുട്ടി ഇരുമ്പുകുഴിക്ക് നാടിൻെറ അന്ത്യാഞ്ജലി പേരാവൂര്‍: ജില്ല പഞ്ചായത്ത് തില്ലങ്കേരി ഡിവിഷന്‍ യു.ഡി.എഫ് സ്ഥാനാര്‍ഥിയും കേരള കോണ്‍ഗ്രസ് ജോസഫ് വിഭാഗം ജില്ല സെക്രട്ടറിയുമായിരുന്ന ജോർജുകുട്ടി ഇരുമ്പുകുഴിക്ക് നാടിൻെറ അന്ത്യാഞ്ജലി. ബുധനാഴ്ച ഹൃദയാഘാതത്തെ തുടർന്ന് മരിച്ച അദ്ദേഹത്തിൻെറ ഭൗതികശരീരം നിടുപുറംചാല്‍ സൻെറ് സെബാസ്റ്റ്യന്‍സ് പള്ളി സെമിത്തേരിയില്‍ സംസ്‌കരിച്ചു. നൂറുകണക്കിനാളുകൾ അന്തിമോപചാരം അര്‍പ്പിക്കാനായി നിടുപുറംചാലിലെ അദ്ദേഹത്തിൻെറ വസതിയിലെത്തി. ബുധനാഴ്ച രാത്രി എട്ടരയോടെയായിരുന്നു അദ്ദേഹം മരണത്തിന് കീഴടങ്ങിയത്. ബുധനാഴ്ചത്തെ പ്രചാരണ പരിപാടികള്‍ കഴിഞ്ഞ് വീട്ടിലെത്തിയപ്പോൾ ദേഹാസ്വാസ്ഥ്യം അനുഭവപ്പെടുകയായിരുന്നു. ഉടന്‍ പേരാവൂരിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. വ്യാഴാഴ്ച രാവിലെ 10 ഓടെ നിടുപുറംചാൽ സൻെറ് സെബാസ്റ്റ്യന്‍സ് പള്ളി വികാരി ഫാ.തോമസ് പതിക്കലിൻെറ നേതൃത്വത്തില്‍ നടന്ന സംസ്‌കാര ശുശ്രൂഷകള്‍ക്ക് ശേഷമാണ് മൃതദേഹം സംസ്‌കരിച്ചത്. സണ്ണി ജോസഫ് എം.എല്‍.എ, മമ്പറം ദിവാകരന്‍, പി.ടി. ജോസ്, ബിനോയ് കുര്യന്‍, കൂട്ട ജയപ്രകാശ്, പൈലി വാത്യാട്ട്, ജോയി കൊന്നയ്ക്കല്‍, കെ.കെ. രാജന്‍, പി. പുരുഷോത്തമന്‍, എം. രാജന്‍, അജയന്‍ പായം, കെ.വി. അജി, കെ.ജെ. ജോസഫ്, കെ.എ. ഫിലിപ്പ്, മാത്യു കുന്നപ്പള്ളി തുടങ്ങിയവർ അന്തിമോപചാരമര്‍പ്പിക്കാന്‍ വീട്ടിലെത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.