കണ്ണൂർ: കണ്ണൂർ സൈക്ലിങ് ക്ലബ് മാർച്ച്, ഒക്ടോബർ മാസങ്ങളിൽ നടത്തിയ സമ്മർ 2020 -40 ഡേയ്സ് സൈക്ലിങ് ചലഞ്ചിൽ പെങ്കടുത്തവർക്ക് മെഡൽ വിതരണം ചെയ്തു. 40 ദിവസത്തിൽ 500, 750, 1000 കിലോമീറ്റർ സൈക്ലിങ് പൂർത്തിയാക്കിയ 48 റൈഡർമാർക്കുള്ള മെഡൽ വിതരണമാണ് നടത്തിയത്. കോവിഡ് മാനദണ്ഡം പാലിച്ച് നടന്ന ലളിതമായ ചടങ്ങിൽ മെഡലുകളും സർട്ടിഫിക്കറ്റുകളും വിജയികൾ ഏറ്റുവാങ്ങി. റായിദ് റഹ്മാൻ, റിതീഷ് കുമാർ, ഡോ. ഗണേഷ്, എസ്. നിധിൻ എന്നിവർ ക്ലബ് വൈസ് പ്രസിഡൻറ് മുരളി പ്രഗത് പ്രഖ്യാപിച്ച പ്രത്യേക സമ്മാനങ്ങൾ നേടി. വിജയികൾ സൈക്ലിങ് ചലഞ്ച് അനുഭവങ്ങൾ പങ്കുവെച്ചു. ക്ലബ് തയാറാക്കിയ സൈക്കിൾ ഉപയോക്താക്കൾക്കുള്ള ലഘുലേഖയുടെ വിതരണോദ്ഘാടനം ഡോ. ഹനീഫ് മണിക്ഫാൻ നിർവഹിച്ചു. ക്ലബിൻെറ ഔദ്യോഗിക സൈക്ലിങ് ജഴ്സി, ലയൺസ് ക്ലബ് കണ്ണൂർ ജോ.സെക്രട്ടറി ഡോ. പുരുഷോത്തം ബാസപ്പ പുറത്തിറക്കി. സൈക്ലിങ് മാനദണ്ഡങ്ങൾ പാലിച്ച് പ്രത്യേകമായി നിർമിച്ച ജഴ്സി ആവശ്യക്കാർക്ക് വിതരണം ചെയ്യുമെന്ന് ക്ലബ് സെക്രട്ടറി കെ. നിസാർ അറിയിച്ചു. ചടങ്ങിൽ പ്രസിഡൻറ് കെ.വി. രതീശൻ അധ്യക്ഷത വഹിച്ചു. ക്ലബ് ജോ. സെക്രട്ടറി ടി. പ്രശാന്തൻ സ്വാഗതവും ട്രഷറർ വി.സി. ഷിയാസ് നന്ദിയും പറഞ്ഞു. photo: cycle club സൈക്ലിങ് ക്ലബ് തയാറാക്കിയ സൈക്കിൾ ഉപയോക്താക്കൾക്കുള്ള ലഘുലേഖയുടെ വിതരണോദ്ഘാടനം ഡോ. ഹനീഫ് മണിക്ഫാൻ നിർവഹിക്കുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.