കേളകം: കേളകം പഞ്ചായത്ത് കോൺഗ്രസ് സ്ഥാനാർഥികളെ പ്രഖ്യാപിച്ചു. യു.ഡി.എഫിലെ ഘടകകക്ഷികൾക്ക് സീറ്റ് നൽകാതെ ഏകപക്ഷീയമായാണ് കോൺഗ്രസ് നടപടിയെന്ന് ഘടകകക്ഷി നേതാക്കൾ അറിയിച്ചു. പതിവായി ലീഗിന് നൽകിയിരുന്ന ആറാം വാർഡ് നൽകാത്തതിൽ ലീഗ് നേതാക്കളിൽ പ്രതിഷേധമുണ്ട്. സീറ്റ് നിഷേധിച്ചാൽ കുടുതൽ സീറ്റുകളിൽ മുസ്ലിം ലീഗ് സ്ഥാനാർഥികളെ മത്സരിപ്പിക്കാനാണ് നീക്കം. എന്നാൽ, തർക്കമുള്ള ചില വാർഡുകൾ ഒഴിച്ചിട്ടാണ് പ്രഖ്യാപനം നടത്തിയതെന്നും ആറാം വാർഡിൽ ലീഗുമായി തർക്കമുണ്ടെന്നും 10ാം വാർഡിൽ ഒന്നിലധികം പേരുകൾ വന്നതിനാലും ഈ സീറ്റുകളിൽ സ്ഥാനാർഥികളെ പിന്നീട് പ്രഖ്യാപിക്കുമെന്ന് മണ്ഡലം കോൺഗ്രസ് കമ്മിറ്റി അറിയിച്ചു. ഒന്നാം വാർഡിൽ ജൂലി ബോബി തടത്തേൽ, രണ്ട്: ബിന്ദു സെബാസ്റ്റ്യൻ മയിലാടുംപാറ, മൂന്ന്: ബിനു എടാൻ, നാല്: ജോയി വേളുപുഴയ്ക്കൽ, അഞ്ച്: ബിന്ദു ജിജി മുതുകാട്ടിൽ (കേരള കോൺഗ്രസ് ജോസഫ് വിഭാഗം), ഏഴ്: ജോർജ് ജോസഫ് കാക്കനാട്ട്, എട്ട്: ആൻസി തിരുമനശ്ശേരി, ഒമ്പത്: ഷിജി സുരേന്ദ്രൻ വടക്കയിൽ,11: പി.വി സുരേന്ദ്രൻ പുതുപ്പറമ്പിൽ, 12: ജോണി പാമ്പാടിയിൽ,13: സുനിത രാജു വാത്യാട്ട്. ഇതിൽ അഞ്ചാം വാർഡ് ഒഴികെ കോൺഗ്രസ് സ്ഥാനാർഥികളാണ്. പത്താം വാർഡിൽ ജനറൽ സീറ്റ് മത്സരത്തിനായി ഡി.സി.സി ഭാരവാഹികൾ ഉൾപ്പെടെ നിരവധിപേർ രംഗത്തെത്തിയതാണ് സ്ഥാനാർഥി നിർണയം കീറാമുട്ടിയായത്. ഇതിനിടെ സ്ഥാനാർഥികളെ പ്രഖ്യാപിച്ച എൽ.ഡി.എഫ് പ്രചാരണത്തിൽ മുൻതൂക്കം നേടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.