കോർപറേഷൻ കൗൺസിൽ യോഗംപയ്യാമ്പലം ശ്മശാനം തിരിെച്ചടുക്കാൻ യു.ഡി.എഫ്; എതിർപ്പുമായി എൽ.ഡി.എഫ്കണ്ണൂർ: നിലവിൽ ജില്ല ടൂറിസം വകുപ്പിൻെറ അധീനതയിൽ നടത്തുന്ന പയ്യാമ്പലം ശ്മശാനം തിരിച്ചെടുക്കണമെന്ന് കോർപറേഷനിലെ യു.ഡി.എഫ്. ഇതിനെതിരെ എതിർപ്പുമായി എൽ.ഡി.എഫ് അംഗങ്ങളും. ചൊവ്വാഴ്ച നടന്ന കൗൺസിൽ യോഗത്തിലാണ് ഇക്കാര്യം ഉന്നയിച്ച് ജില്ല കലക്ടർക്ക് കത്തു നൽകാൻ ഭരണസമിതി തീരുമാനിച്ചത്. എന്നാൽ, ഡി.ടി.പി.സിയുടെ പക്കൽനിന്ന് പയ്യാമ്പലം ശ്മശാനം തിരിച്ചെടുക്കരുതെന്ന് ആവശ്യപ്പെട്ട് കൗൺസിലിലെ എൽ.ഡി.എഫ് അംഗങ്ങൾ സെക്രട്ടറിക്ക് കത്ത് നൽകിയതായി എൽ.ഡി.എഫ് പാർലമൻെററി പാർട്ടി സെക്രട്ടറി എൻ. ബാലകൃഷ്ണൻ മാസ്റ്റർ പറഞ്ഞു.2020 -21 വർഷത്തെ ജനകീയാസൂത്രണ പദ്ധതിയിലെ ഉപഭോക്തൃ ലിസ്റ്റ് അംഗീകരിച്ചു. കൃഷി, വികസനം, മത്സ്യമേഖല, പട്ടികജാതി കുടുംബങ്ങൾക്ക് അടിസ്ഥാന വികസന പദ്ധതി തുടങ്ങി നാൽപതോളം പദ്ധതികളുമായി ബന്ധപ്പെട്ട ഗുണഭോക്തൃ ലിസ്റ്റിനാണ് അംഗീകാരം നൽകിയത്. മേയർ സി. സീനത്ത് അധ്യക്ഷത വഹിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.