കാസർകോട്: ബ്ലോക്ക് കോൺഗ്രസ് കമ്മിറ്റിയിലേക്ക് രണ്ടുപേരെ നാമനിർദേശം ചെയ്ത ബ്ലോക്ക് കോൺഗ്രസ് പ്രസിഡൻറിൻെറ നടപടിക്കെതിരെ ഡി.സി.സി ജനറൽ സെക്രട്ടറിയായ വനിതാ നേതാവ് സമൂഹ മാധ്യമങ്ങളിൽ പോസ്റ്റിട്ടതിൽ പ്രതിഷേധിച്ച് ഉദുമ ബ്ലോക്ക് കോൺഗ്രസ് പ്രസിഡൻറ് രാജൻ പെരിയ തൽസ്ഥാനം രാജിവെച്ചു. കെ.പി.സി.സി പ്രസിഡൻറിന് കത്ത് നൽകി. രാജൻ എ ഗ്രൂപ്പും വനിതാ നേതാവ് െഎ ഗ്രൂപ്പുമാണ്. ചട്ടഞ്ചാൽ അർബൻ ബാങ്ക് ഹാളിൽ നടന്ന ബ്ലോക്ക് കോൺഗ്രസ് യോഗത്തിൽ രണ്ടുപേരെ ബ്ലോക്ക് പ്രസിഡൻറ് എന്ന നിലയിൽ കൂട്ടിച്ചേർത്തുകൊണ്ട് പട്ടിക വായിച്ചു. ഡി.സി.സി പ്രസിഡൻറ് ഹക്കീം കുന്നിലിൻെറ അനുമതിയോടെ അത് പാസാക്കുകയും ചെയ്തതായി രാജൻ പെരിയ പറഞ്ഞു. തുടർന്ന് ബ്ലോക്ക് കമ്മിറ്റിയുടെ വാട്സ് ആപ് ഗ്രൂപ്പിൽ ഉദുമയിലെ വനിതാ നേതാവ് രാജൻ കൂട്ടിച്ചേർത്ത രണ്ടുപേരെ നീക്കിക്കൊണ്ട് പുതിയ പട്ടികയിട്ടതായി പറയുന്നു. ഇതാണ് രാജനെ പ്രകോപിപ്പിച്ചത്. ബ്ലോക്ക് പ്രസിഡൻറിൻെറ അധികാരത്തിൽ ഡി.സി.സി ജനറൽ സെക്രട്ടറി കൈകടത്തിയതിനെതിരെ നടപടിവേണമെന്നും സ്വതന്ത്രമായി പ്രവർത്തിക്കാൻ അനുവദിക്കാത്തതിനെതിരെയാണ് രാജിയെന്നും രാജൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.