കാഞ്ഞങ്ങാട്: സാധാരണക്കാര്ക്ക് നീതിയും നിയമ സുരക്ഷയും സഹായവും ലഭ്യമാക്കിയ അഭിഭാഷകനായിരുന്നു അന്തരിച്ച കെ.എം. ബഷീറെന്ന് ഹദിയ അതിഞ്ഞാല് സംഘടിപ്പിച്ച അനുസ്മരണ യോഗം അഭിപ്രായപ്പെട്ടു. നാട്ടിലെ പൊതുരംഗത്തും രാഷ്ട്രീയ സാംസ്കാരിക മേഖലയിലും തനത് പ്രവര്ത്തന ശൈലിയിലൂടെ വ്യക്തിമുദ്ര പതിപ്പിച്ച കെ.എം. ബഷീര് ജീവകാരുണ്യരംഗത്ത് സജീവ സാന്നിധ്യമായിരുന്നു. പ്രാര്ത്ഥന സദസ്സിന് കോയാപ്പള്ളി ഇമാം അബ്ദുല്കരീം മൗലവി നേതൃത്വം നല്കി. കാഞ്ഞങ്ങാട് മണ്ഡലം മുസ്ലിം ലീഗ് പ്രസിഡൻറും നഗരസഭ ആരോഗ്യ സ്ഥിരം സമിതി അധ്യക്ഷനുമായ എം.പി. ജാഫര്, ബഷീര് അനുസ്മരണ പ്രഭാഷണം നടത്തി. അഷറഫ് ഹന്ന അധ്യക്ഷത വഹിച്ചു. മാധ്യമ പ്രവര്ത്തകന് ടി. മുഹമ്മദ് അസ്ലം, അതിഞ്ഞാല് മുസ്ലിം ജമാഅത്ത് ജനറല് സെക്രട്ടറി പി.എം. ഫാറൂഖ്ഹാജി, പി.എം. ഷുക്കൂര്, ഖാലിദ് അറബിക്കാടത്ത്, എൻജിനീയര് ഹൈദര്, ഹമീദ് മണ്ട്യന് തുടങ്ങിയവര് സംസാരിച്ചു. ഹദിയ ഭാരവാഹികളായ പി.എം. ഫാറൂഖ് സ്വാഗതവും ബി. മുഹമ്മദ് നന്ദിയും പറഞ്ഞു. anusmaranam പടം: അഡ്വ. കെ.എം.ബഷീര് അനുസ്മരണത്തില് അതിഞ്ഞാല് കോയാപ്പള്ളി ഇമാം അബ്ദുല്കരീം മൗലവി പ്രാഥന സദസ്സിന് നേതൃത്വം നല്കുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.