കഞ്ചാവ്​ ഒഴുക്കിന്​ കുറവില്ല; പരിശോധന കർശനം

ചെ​റു​തോ​ണി: പ​രി​ശോ​ധ​ന ക​ർ​ശ​ന​മാ​ക്കി​യി​ട്ടും ഹൈ​റേ​ഞ്ചി​ലേ​ക്ക് കോ​ടി​ക​ളു​ടെ ക​ഞ്ചാ​വ്​ ഒ​ഴു​കു​ന്നു. ഹൈ​റേ​ഞ്ചി​ൽ ക​ഞ്ചാ​വും മ​റ്റു ല​ഹ​രി​വ​സ്തു​ക്ക​ളും സു​ല​ഭ​മാ​യി വി​ൽ​പ​ന​യും ക​ട​ത്ത​ലും ന​ട​ത്തു​മ്പോ​ൾ അ​ധി​കൃ​ത​രു​ടെ വ​ല​യി​ൽ വീ​ഴു​ന്ന​ത്​ നാ​മ​മാ​ത്ര കേ​സു​ക​ൾ മാ​ത്രം. അ​തി​ർ​ത്തി​യി​ലെ മൂ​ന്ന്​ ചെ​ക്ക്​​പോ​സ്റ്റി​ൽ ആ​കെ 50ൽ ​താ​ഴെ ജീ​വ​ന​ക്കാ​ർ മാ​ത്ര​മാ​ണ്.

ക​ഞ്ചാ​വ് പി​ടി​ക്കാ​ൻ ന​ല്ല വാ​ഹ​ന​ങ്ങ​ളി​ല്ല. നേ​രി​ടാ​ൻ തോ​ക്കും ലാ​ത്തി​യു​മി​ല്ല. ഒ​ഡി​ഷ​യി​ൽ​നി​ന്ന​ട​ക്കം കി​ലോ​ക്ക​ണ​ക്കി​ന്​ ക​ഞ്ചാ​വ്​ അ​തി​ർ​ത്തി ചെ​ക്ക്​​പോ​സ്റ്റു​ക​ൾ ക​ട​ന്ന് ഇ​വി​ടെ​യെ​ത്തു​ന്ന​ത് ത​ട​യു​ന്ന​തി​നു ന​ട​പ​ടി​യി​ല്ല. ഒ​രി​ട​വേ​ള​ക്കു​ശേ​ഷം ഇ​ടു​ക്കി​യി​ൽ ക​ഞ്ചാ​വും എം.​ഡി.​എം.​എ ഉ​ൾ​പ്പെ​ടെ​യു​ള്ള ല​ഹ​രി​വ​സ്തു​ക്ക​ളു​ടെ ക​ട​ന്നു​വ​ര​വ് വ​ർ​ധി​ച്ചി​രി​ക്കു​ക​യാ​ണ്.

ആ​ന്ധ്ര, ക​ർ​ണാ​ട​ക, ഒ​ഡി​ഷ എ​ന്നി​വി​ട​ങ്ങ​ളി​ൽ​നി​ന്നെ​ത്തു​ന്ന ക​ഞ്ചാ​വും മ​റ്റു ല​ഹ​രി​വ​സ്തു​ക്ക​ളും ത​മി​ഴ്നാ​ട്ടി​ലെ അ​തി​ർ​ത്തി ഗ്രാ​മ​ങ്ങ​ളാ​യ ബോ​ഡി, ബോ​ഡി​നാ​യ്ക്ക​ന്നൂ​ർ, തേ​നി തു​ട​ങ്ങി​യ പ്ര​ദേ​ശ​ങ്ങ​ളി​ൽ എ​ത്തി​ച്ച ശേ​ഷ​മാ​ണ് ഇ​ടു​ക്കി​യിലേ​ക്ക്​ എ​ത്തി​ക്കു​ന്ന​ത്.

പ്ര​ധാ​ന ചെ​ക്ക്​​പോ​സ്റ്റു​ക​ളാ​യ ക​മ്പം​മെ​ട്ട്, ബോ​ഡി​മെ​ട്ട് എ​ന്നി​വി​ട​ങ്ങ​ളി​ൽ കൂ​ടി ഹൈ​റേ​ഞ്ചി​ലേ​ക്ക്​ ക​ട​ന്നു​വ​രു​ന്ന ക​ഞ്ചാ​വ്​ ക​ണ്ടെ​ത്തു​ന്ന​തി​നും പി​ടി​കൂ​ടു​ന്ന​തി​നും പ​രി​ശോ​ധ​ന ന​ട​ത്തു​ന്ന​തി​ലും അ​ധി​കൃ​ത​ർ വ​ലി​യ വീ​ഴ്ച​യാ​ണ് കാ​ണി​ക്കു​ന്ന​ത്. ഈ ​ര​ണ്ടു ചെ​ക്ക്​​പോ​സ്റ്റി​ലും അ​ടു​ത്ത കാ​ല​ത്ത് പി​ടി​കൂ​ടി​യി​ട്ടു​ള്ള​ത്​ നാ​മ​മാ​ത്ര​മാ​യ ക​ഞ്ചാ​വ്​ മാ​ത്ര​മാ​ണ്.

അ​തി​ർ​ത്തി​വ​ഴി ത​ല​ച്ചു​മ​ടാ​യി ത​മി​ഴ്നാ​ട്ടി​ൽ​നി​ന്ന്​ ക​ഞ്ചാ​വെ​ത്തി​ക്കു​ന്ന​ത് മ​തി​കെ​ട്ടാ​ൻ ദേ​ശീ​യ ഉ​ദ്യാ​ന​ത്തി​നോ​ട് ചേ​ർ​ന്നു കി​ട​ക്കു​ന്ന തേ​വാ​രം​പെ​ട്ടി മ​ല​നി​ര​ക​ൾ വ​ഴി​യാ​ണ്. ഏ​റ്റ​വും കൂ​ടു​ത​ൽ ക​ഞ്ചാ​വ്​ ക​ട​ത്ത​ൽ ഇ​തു​വ​ഴി ന​ട​ക്കു​ന്ന​താ​യി ഉ​ദ്യോ​ഗ​സ്ഥ​ർ ക​ണ്ടെ​ത്തി​യി​രു​ന്നു. എ​ന്നി​ട്ടും ന​ട​പ​ടി​യി​ല്ല.