നാലാം സെമസ്റ്റർ ബിരുദാനന്തരബിരുദ പരീക്ഷ തിരുവനന്തപുരം: കോർപറേഷൻ പരിധിയിൽ ട്രിപിള് ലോക്ഡൗണ് കാരണം ജൂലൈ 6, 8,10 തീയതികളില് മാറ്റിെവച്ച നാലാം സെമസ്റ്റർ ബിരുദാനന്തരബിരുദ പരീക്ഷകള് (അഫിലിയേറ്റഡ് കോളജുകള്) യഥാക്രമം ആഗസ്റ്റ് 21, 24, 26 തീയതികളില് രാവിലെ 9.30ന് അതത് പരീക്ഷാകേന്ദ്രങ്ങളിൽ നടത്തും. കോവിഡ് കാരണം ജൂലൈ 6, 8, 10 തീയതികളില് പരീക്ഷയെഴുതാന് കഴിയാത്ത തിരുവനന്തപുരം കോർപറേഷന് പരിധിയിലല്ലാത്ത മറ്റ് വിദ്യാർഥികൾക്കും ഈ അവസരം ഉപയോഗിക്കാം. ജൂലൈ 1, 3 തീയതികളില് നടന്ന നാലാം സെമസ്റ്റർ ബിരുദാനന്തരബിരുദ പരീക്ഷകള് കോവിഡ് 19 കാരണം എഴുതാന് കഴിയാത്ത വിദ്യാർഥികള്ക്ക് ഈ പരീക്ഷകള് യഥാക്രമം സെപ്റ്റംബര് 7, 9 തീയതികളില് സർവകലാശാല പരിധിയിലെ അഫിലിയേറ്റഡ് കോളജുകളില് എഴുതാം. ഈ പരീക്ഷയെഴുതാൻ ആഗ്രഹിക്കുന്ന വിദ്യാർഥികൾ ku.controller@keralauniversity.ac.in എന്ന ഇ മെയിലിലേക്ക് ആഗസ്റ്റ് 20ന് വൈകുന്നേരം മൂന്നിനകം അവരവരുടെ പരീക്ഷാ സംബന്ധമായ വിവരങ്ങള് (main, subject, candidatecode, optedcentre) അറിയിക്കണം. സ്പെഷല് പരീക്ഷ കോവിഡ് പശ്ചാത്തലത്തില് ആറാം സെമസ്റ്റര് പരീക്ഷക്ക് രജിസ്റ്റര് ചെയ്യാന് കഴിയാത്ത അർഹരായ വിദ്യാർഥികൾക്കും രജിസ്റ്റര് ചെയ്തശേഷം പരീക്ഷയെഴുതാന് കഴിയാത്ത വിദ്യാർഥികൾക്കും സ്പെഷല് പരീക്ഷ സെപ്റ്റംബര് 15 മുതല് നടത്താന് കേരള സർവകലാശാല തീരുമാനിച്ചു. പരീക്ഷയെഴുതാന് ആഗ്രഹിക്കുന്ന വിദ്യാർഥികള് അതത് കോളജിലെ പ്രിൻസിപ്പൽ മുഖാന്തരം സർവകലാശാലയെ അറിയിക്കണം. രജിസ്റ്റര് ചെയ്യാത്ത വിദ്യാർഥികള് പ്രിൻസിപ്പൽ മുഖേന ഓഫ്ലൈനായി അപേക്ഷ സെപ്റ്റംബര് എട്ടിനകം സർവകലാശാലയില് എത്തിക്കണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.