കോതമംഗലം: കുട്ടമ്പുഴ മണികണ്ഠൻ ചാലിൽ വാഷിൻെറ വൻശേഖരം കണ്ടെത്തി നശിപ്പിച്ചു. ആനക്കുളം ഫോറസ്റ്റ് സ്റ്റേഷൻ പരിധിയിലെ വെറ്റിലാംതോട് വന ഭാഗത്താണ് പരിശോധനക്കിടയിൽ 200 ലിറ്ററിൻെറ നാല് വീപ്പകൾ കണ്ടെത്തിയത്. കീഴ്ക്കാൻ തൂക്കായ പാറയിടുക്കിൽ വെള്ളച്ചാലിലാണ് ശേഖരം സൂക്ഷിച്ചിരുന്നത്.10 കിലോമീറ്റർ ഉൾവനത്തിലാണ് വാഷ് കണ്ടെത്തിയ സ്ഥലം. ബാരലുകളും കന്നാസുകളും ചാരായം വാറ്റാൻ ഉപയോഗിക്കുന്ന ഉപകരണങ്ങളും ഉദ്യോഗസ്ഥർ കസ്റ്റഡിയിലെടുത്തു. ഫുട്‌ബാള്‍ ടൂര്‍ണമൻെറ് സമാപിച്ചു കോതമംഗലം: അടിവാട് പഞ്ചായത്ത് മിനി സ്‌റ്റേഡിയത്തില്‍ ഡി.വൈ.എഫ്.ഐ സംഘടിപ്പിച്ച ദ്വിദിന ഫുട്‌ബാള്‍ ടൂര്‍ണമൻെറ് സമാപിച്ചു. 24 ടീമുകള്‍ പങ്കെടുത്ത മത്സരത്തില്‍ എ ആൻഡ് എസ് നേര്യമംഗലം ഒന്നാമതും ട്യൂണ എഫ്.സി വാഴക്കുളം രണ്ടാം സ്ഥാനവും കരസ്ഥമാക്കി. 10001 രൂപ ഒന്നാം സമ്മാനവും 5001 രൂപ രണ്ടാം സമ്മാനവും പല്ലാരിമംഗലം പഞ്ചായത്ത് വൈസ് പ്രസിഡൻറ് ഒ.ഇ. അബ്ബാസ് കൈമാറി. ഹക്കീം ഖാന്‍ മത്സരം നിയന്ത്രിച്ചു. ഡി.വൈ.എഫ്.ഐ അടിവാട് മേഖല സെക്രട്ടറി കെ.എ. യൂസുഫ്, പി.എ. നവാസ്, എം.എ. അസ്‌ലം, ഒ.എ. ബാസിത് എന്നിവര്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.