ആലപ്പുഴ: ജില്ലയിൽ 188 പേർക്ക് കോവിഡ് സ്ഥിരീകരിച്ചു. 182 പേർക്ക് സമ്പർക്കത്തിലൂടെയാണ് രോഗം. രണ്ടുപേർ വിദേശത്തുനിന്ന് എത്തിയതാണ്. നാലുപേരുടെ സമ്പർക്ക ഉറവിടം വ്യക്തമല്ല. 203 പേരുടെ പരിശോധനഫലം നെഗറ്റിവായി. ആകെ 51,649 പേർ രോഗമുക്തരായി. 4457 പേർ ചികിത്സയിലുണ്ട്. കൈനകരി വാർഡ് 12 കണ്ടെയ്ൻമൻെറ് സോണിൽനിന്ന് ഒഴിവാക്കി. ചെട്ടികുളങ്ങര പഞ്ചായത്തിൽ തെരഞ്ഞെടുപ്പ് ജനുവരി 21ന് ആലപ്പുഴ: ചെട്ടികുളങ്ങര ഗ്രാമപഞ്ചായത്ത് വാർഡ് ഏഴിൽ (പി.എച്ച്.സി) തെരഞ്ഞെടുപ്പ് ജനുവരി 21ന് നടത്താൻ സംസ്ഥാന തെരഞ്ഞെടുപ്പ് കമീഷൻ ഉത്തരവായി. ഹൃദയസ്തംഭനത്തെതുടർന്ന് ഈ വാർഡിൽ മത്സരിച്ച സി.പി.എം സ്ഥാനാർഥി മഹാദേവൻ പിള്ള മരിച്ചതോടെയാണ് തെരഞ്ഞെടുപ്പ്. രാവിലെ ഏഴുമുതൽ വൈകീട്ട് ആറുവരെയാണ് വോട്ടെടുപ്പ്. ജനുവരി നാലിനാണ് നാമനിർദേശപത്രിക സമർപ്പിക്കാനുള്ള അവസാന തീയതി. അഞ്ചിന് സൂക്ഷ്മ പരിശോധന നടക്കും. ഏഴിനാണ് സ്ഥാനാർഥിത്വം പിൻവലിക്കാനുള്ള അവസാന തീയതി. 22ന് വോട്ടെണ്ണൽ. ഫെബ്രുവരി 20നുമുമ്പ് തെരഞ്ഞെടുപ്പ് ചെലവ് കണക്ക് അധികാരപ്പെടുത്തിയ ഉദ്യോഗസ്ഥന് സമർപ്പിക്കണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.