ഹരിപ്പാട്: മത്സരിക്കുന്ന വാർഡും താമസിക്കുന്ന വാർഡും പരസ്പരം മാറി രേഖപ്പെടുത്തിയ ബി.ജെ.പി സ്ഥാനാർഥിയുടെ പത്രിക തള്ളി. ഹരിപ്പാട് നഗരസഭ 20ാം വാർഡിൽ മത്സരിക്കുന്ന ബി.ജെ.പി സ്ഥാനാർഥി വിജയറാണിയുടെ പത്രികയാണ് സൂക്ഷ്മ പരിശോധനയിൽ തള്ളിയത്. ഇവർ താമസിക്കുന്നത് 27ാം വാർഡിലാണ്. 20 എന്നെഴുതിയതാണ് വിനയായത്. പോസ്റ്ററുകളും വീടുകയറി പ്രചാരണവുമായി ഇവർ ഏറെ മുന്നോട്ടുപോയിരിക്കെയാണ് അപ്രതീക്ഷിതമായി പത്രിക തള്ളിപ്പോയത്. ഫലത്തിൽ ബി.ജെ.പിക്ക് വാർഡിൽ സ്ഥാനാർഥിയില്ലാതായി. 19ാം വാർഡിലും ബി.ജെ.പിക്ക് സ്ഥാനാർഥി ഇല്ലാതെപോയി. സ്ഥാനാർഥിയാകാൻ നിശ്ചയിച്ചിരുന്നയാൾ യഥാസമയം പത്രിക സമർപ്പിക്കാതിരുന്നതാണ് കാരണം. പാർട്ടി പ്രാദേശിക നേതൃത്വത്തിൻെറ ഭാഗത്തുനിന്നുണ്ടായ ജാഗ്രതക്കുറവാണ് കാരണമായതെന്നാണ് ആക്ഷേപം. സ്ഥാനാർഥികളാകാൻ താൽപര്യമുള്ള നിരവധി പേരെ വെട്ടിനിരത്തിയാണ് ഈ വാർഡുകളിൽ രണ്ടുപേരെ നിശ്ചയിച്ചത്. സ്ഥാനം ആഗ്രഹിച്ചിരുന്നവർ ഇതിനകം ജില്ല നേതൃത്വത്തെ പരാതിയുമായി സമീപിച്ചതായി അറിയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.