കോവിഡ് ആശങ്കയിൽ ചാത്തനാട് കോളനി

ആലപ്പുഴ: ചാത്തനാട് കോളനിയിലെ ഒരാൾക്ക് കോവിഡ് സ്ഥിരീകരിച്ചതോടെ ഇദ്ദേഹവുമായുള്ള സമ്പർക്കത്തെ തുടർന്ന് ക്വാറൻറീനിൽ കഴിയുന്നവരും കുടുംബങ്ങളും ആശങ്കയിൽ. വഴിച്ചേരി മാർക്കറ്റുമായി ബന്ധപ്പെട്ട് സ്ഥിരീകരിച്ചയാളുമായുള്ള സമ്പർക്കത്തിലൂടെയാണ് കോളനിയിലുള്ളയാൾക്ക് രോഗം ബാധിച്ചത്. ഇയാളുടെ വീട്ടിലെ രണ്ടുപേരടക്കം 14 പേരാണ് ക്വാറൻറീനിൽ കഴിയുന്നത്. 47 വീടുകളാണ് കോളനിയിലുള്ളത്. പ്രത്യേകം വീടുവെച്ച് താമസിക്കുന്നവരും ഇവിടെയുണ്ട്.