തിരുവനന്തപുരം: സംസ്ഥാനത്ത് വർധിച്ചുവരുന്ന ദലിത് -ആദിവാസി പീഡനങ്ങൾക്കെതിരെ സെക്രട്ടേറിയറ്റിന് മുന്നിൽ കൊടിക്കുന്നിൽ സുരേഷ് എം.പി 24 മണിക്കൂർ ഉപവസിക്കും. തിങ്കളാഴ്ച രാവിലെ 10ന് മുൻ മുഖ്യമന്ത്രി ഉമ്മൻ ചാണ്ടി ഉപവാസം ഉദ്ഘാടനം ചെയ്യുമെന്ന് കൊടിക്കുന്നിൽ സുരേഷ് വാർത്തസമ്മേളനത്തിൽ അറിയിച്ചു. എങ്ങണ്ടിയൂരിലെ വിനായകൻ ആത്മഹത്യ ചെയ്ത സംഭവത്തിൽ സി.ബി.ഐ അന്വേഷണവും കുടുംബത്തിന് സർക്കാർ ഒരു കോടി നഷ്ടപരിഹാരവും വിനായകെൻറ സഹോദരന് സർക്കാർ ജോലിയും നൽകുക, ആദിവാസി പീഡനത്തെക്കുറിച്ച് ജുഡീഷ്യൽ അന്വേഷണം നടത്തുക തുടങ്ങിയ ആവശ്യങ്ങളുന്നയിച്ചാണ് ഉപവാസം. 22ന് രാവിലെ 11ന് അവസാനിക്കും. സമാപനയോഗം പ്രതിപക്ഷനേതാവ് രമേശ് ചെന്നിത്തല ഉദ്ഘാടനം ചെയ്യും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.