ലോ അക്കാദമി പ്രശ്നം പരിഹരിക്കാൻ മുഖ്യമന്ത്രി മുൻകൈയ്യെടുക്കണം -ആൻറണി

തിരുവനന്തപുരം: ലോ അക്കാദമി പ്രശ്​നം പരിഹരിക്കാൻ മുഖ്യമന്ത്രി മുൻകൈയ്യെടുക്കണമെന്ന്​ കോൺഗ്രസ് ​നേതാവ് എ.കെ ആൻറണി ആവശ്യപ്പെട്ടു. അക്കാദമിക്ക്​ മുമ്പിൽ സമരം ചെയ്യുന്ന എം.എൽ.എ കെ. മുരളീധരനെ സന്ദർശിച്ച്​ സംസാരിക്കുകയായിരുന്നു അദ്ദേഹം. നീതിബോധമുള്ള കേരളത്തിലെ മുഴുവൻ ആളുകളും സമരം ചെയ്യുന്ന വിദ്യാർഥികളോടൊപ്പമുണ്ട്​. ന്യായമായ ആവശ്യത്തിന്​ വേണ്ടി നടത്തുന്ന സമരം വിജയിക്കുന്നതുവരെ ഒപ്പമുണ്ടാകുമെന്നും ആൻറണി വ്യക്​തമാക്കി.

അതിനിടെ തിരുക്കൊച്ചി മന്ത്രി പി.എസ്​ നടരാജപിള്ളയെ കുറിച്ച മുഖ്യമന്ത്രിയുടെ പരാമർശത്തെ കെ.പി.സി.സി അധ്യക്ഷൻ വി.എം സുധീരൻ രൂക്ഷമായി വിമർശിച്ചു. മുഖ്യമന്ത്രി നടരാജപിള്ളയുടെ കുടുംബത്തോടും കേരള ജനതയോടും മാപ്പ് പറയണമെന്നും സുധീരൻ ആവശ്യപ്പെട്ടു.