ജോണിയുടെ മരണം ചികിൽസയിലെ പിഴയെന്ന് കുടുംബം, പൊലീസിൽ പരാതി നൽകി

കോട്ടയം: പരുത്തും പാറമലേക്കുന്നത്ത് ജോണിയുടെ മരണം ചികിൽസാ പിഴവുമൂലമെന്ന് ആരോപിച്ച് ബന്ധുക്കൾ ചിങ്ങവനം പൊലീസിൽ പരാതി നൽകി. പ്രമേഹ രോഗം മൂലം ബുദ്ധിമുട്ട് അനുഭവിച്ചു കൊണ്ടിരുന്ന ജോണിയുടെ പുറത്ത് ഒരു പരുവന്നു പഴുത്ത് പൊട്ടിയിരുന്നു.

ഇത് കഴുകികെട്ടാൻ ചിങ്ങവനത്ത് ശ്രീനാരായണ ഹോസ്പിറ്റലിൽ പോയിരുന്നു. മുറിവ് പെട്ടെന്ന് കരിയാനായി കുത്തിവെപ്പ് നൽകിയതോടെ സ്ഥിതി വഷളാവുകയും ജോണി മരണത്തിന് കീഴടങ്ങുകയുമായിരുന്നു.

തുടർന്ന് മൃതദേഹം ഭാരത് ഹോസ്പിറ്റലിലെ മോർച്ചറിയിലേക്ക് മാറ്റി. വൽസമ്മയാണ് ഭാര്യ. മക്കൾ എബ്രഹാം വിജയ് ജോൺ, അജയ് ഡേവിഡ് ജോൺ, മരുമകൾ: ആര്യ.