പാലക്കാട്: മുല്ലപ്പൂ വില കുതിച്ചുയരുന്നു. ഒരു കിലോ മുല്ലപ്പൂവിന്റെ വില 8000 രൂപയോളമായിട്ടുണ്ട്. 6000 രൂപക്കാണ് കർഷകരിൽ നിന്ന് കച്ചവടക്കാർ പൂ വാങ്ങുന്നത്. വ്യാഴാഴ്ച 8000 രൂപക്കാണ് കടകളിൽ നിന്ന് ആവശ്യക്കാർ മുല്ലപ്പൂ വാങ്ങിയത്.
ഉൽപ്പാദനം കുറഞ്ഞതാണ് വില കൂടാനുള്ള കാരണമെന്നാണ് മുല്ലപ്പൂ കർഷകർ പറയുന്നത്. ഡിസംബറിൽ മഞ്ഞുവീഴ്ച തുടങ്ങിയതോടെയാണ് കർഷകരുടെ ദുരിതം തുടങ്ങിയത്. ചൂടുള്ള കാലാവസ്ഥയിലാണ് മുല്ലപ്പൂ വളരുക. തണുപ്പായാൽ മൊട്ടിടലും കുറയും.
പൊങ്കൽ, വിവാഹ സീസണുകളായതിനാൽ മുല്ലപ്പൂവിന് ഇപ്പോൾ നല്ല ഡിമാൻഡാണ്. എന്നാൽ ആവശ്യത്തിനു വേണ്ട പൂവ് കിട്ടാനില്ല. തമിഴ്നാട്ടിൽ നിന്ന് മുല്ലപ്പൂ എത്തുന്നതും കുറഞ്ഞിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.