ദേവസ്വം ബോർഡ്​ ഭരണം; ഹൈകോടതിയിൽ ഹരജി

കൊച്ചി: ദേവസ്വം ബോർഡുകളുടെ ഭരണം രാഷ്ട്രീയ പാർട്ടികളുടെയും മുന്നണികളുടെയും താല്പര്യത്തിനനുസരിച്ചാണെന്നു ചൂണ്ടിക്കാട്ടി ഹൈക്കോടതിയിൽ ഹരജി.

ഹിന്ദു മത വിശ്വാസപ്രകാരമല്ലെ ഭരണം. തിരുവിതാംകൂർ, കൊച്ചി ദേവസ്വം ബോർഡുകൾക്ക് ഒരു പ്രസിഡൻറും രണ്ടംഗങ്ങളും ഉൾപ്പെട്ട സംവിധാനമാണ്​. അംഗങ്ങളിൽ ഒരാളെ നിയമസഭയിലെ ഹിന്ദു എം.എൽ.എമാരും മറ്റൊരാളെ മന്ത്രിസഭയിലെ ഹിന്ദു അംഗങ്ങളുമാണ് തിരഞ്ഞെടുക്കുന്നത്. 

ഹിന്ദു എം.എൽ.എമാർക്ക് അംഗത്തെ തിരഞ്ഞെടുക്കാൻ ഇടത് വലതു മുന്നണികൾ വിപ്പ് നൽകുന്നുണ്ട്. ഹിന്ദുമത വിശ്വാസമല്ല രാഷ്ട്രീയ താല്പര്യമാണ് ഇതിനു പിന്നിലെന്ന്  ഹരജിയിൽ ആരോപിക്കുന്നു. ഹരജി ബുധനാഴ്​ച്ച പരിഗണിക്കും.