ജിദ്ദ/നെടുമ്പാശേരി: മലയാളി ഹാജിമാരുടെ ആദ്യ സംഘം മക്കയിലെത്തി. ബുധനാഴ്ച രാവിലെ 8.30 ഒാടെയാണ് നെടുമ്പാശേരിയിൽ നിന്നുള്ള സൗദി എയർലൈൻസ് വിമാനം 410 തീർഥാടകരുമായി ജിദ്ദയിൽ ഇറങ്ങിയത്. ഇവരെ ജിദ്ദയിലെ ഇന്ത്യൻ കോൺസൽ ജനറൽ മുഹമ്മദ് നൂർ റഹ്മാൻ ശൈഖിെൻറ നേതൃത്വത്തിൽ സ്വീകരിച്ചു.
കോൺസൽ അനന്ത്കുമാർ, കോൺസുലേറ്റ് ഉദ്യോഗസ്ഥരായ ബോബി മാനാട്ട്, മാജിദ് എന്നിവരും നിരവധി സംഘടനാപ്രമുഖരും സ്വീകരിക്കാൻ എത്തിയിരുന്നു. നടപടിക്രമങ്ങൾ പൂർത്തീകരിച്ച് സംഘം മക്കയിലേക്ക് പോയി. ഉച്ചക്ക് 12 മണിയോടെ മക്കയിലെത്തി. ഹജ്ജ് കോൺസൽ ശാഹിദ് ആലമും മിഷൻ ഉദ്യോഗസ്ഥരും വിവിധ സംഘടന വളണ്ടിയർമാരും സ്വീകരിക്കാൻ എത്തിയിരുന്നു.
അസീസിയ കാറ്റഗറിയിലുള്ള ഹാജിമാർക്ക് ആറ്, ഏഴ് ബ്രാഞ്ചുകളിലാണ് താമസമൊരുക്കിയത്. വിശ്രമത്തിന് ശേഷം ഇവർ ഉംറക്കായി മസ്ജിദുൽ ഹറാമിലേക്ക് പോയി. ആദ്യദിവസം രണ്ടുവിമാനങ്ങളാണ് ജിദ്ദയിൽ എത്തിയത്. ഇന്ത്യയിൽ നിന്നുള്ള ആദ്യസംഘം ജൂലൈ 14 ന് ന്യൂഡൽഹിയിൽ നിന്ന് മദീനയിൽ എത്തിയിരുന്നു. രണ്ടാഴ്ചത്തെ മദീന വാസത്തിന് ശേഷം അവർ മക്കയിലേക്ക് വന്നുതുടങ്ങിയിട്ടുണ്ട്.
ജിദ്ദയിലേക്കുള്ള ആദ്യ വിമാനം ചെന്നൈയിൽ നിന്ന് ഞായറാഴ്ചയായിരുന്നു. ഇത്തവണ കൊച്ചി അടക്കം 11 എംബാർക്കേഷന് പോയിൻറുകളിൽ നിന്നുള്ള ഹാജിമാരാണ് ജിദ്ദയില് എത്തുന്നത്.
നേരത്തെ, ആദ്യ ഹജ്ജ് വിമാനം ബുധനാഴ്ച രാവിെല 5.15ന് നെടുമ്പാശേരിയിൽ ഹജ്ജ് കാര്യ മന്ത്രി ഡോ. കെ.ടി. ജലീൽ ഫ്ലാഗ് ഓഫ് ചെയ്തു. സൗദി എയർലൈൻസിലാണ് യാത്രതിരിച്ചത്. കേന്ദ്ര ഹജ്ജ് കമ്മിറ്റി അംഗം ഇ.ടി. മുഹമ്മദ് ബഷീർ എം.പി, ഹജ്ജ് കമ്മിറ്റി ചെയർമാൻ തൊടിയൂർ മുഹമ്മദ്കുഞ്ഞ് മൗലവി, അൻവർ സാദത്ത് എം.എൽ.എ, കടക്കൽ അബ്ദുൽ അസീസ് മൗലവി, മുൻ എം.എൽ.എ എ.എം. യൂസുഫ്, ബാബു സേട്ട്, ഷരീഫ് മണിയാട്ടുകുടി, എ.കെ. അബ്ദുറഹ്മാൻ, പി.എ. അഹമ്മദ് കബീർ, സിദ്ധാർഥ്, അനസ്, പി.ബി. സുനീർ തുടങ്ങിയവർ പെങ്കടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.