ഇന്ധനവില വീണ്ടും കൂട്ടി; തിരുവനന്തപുരത്ത്​ പെട്രോളിന്​ 100.15 രൂപ

തിരുവനന്തപുരം: ജനങ്ങളുടെ ദുരിതം വകവെക്കാതെ ഇന്ധനകമ്പനികൾ വീണ്ടും വില വർധിച്ചു. ഡീസലിന്​ 37 പൈസയും പെട്രോളിന്​ 35 പൈസയുമാണ് ശനിയാഴ്ച​ കൂട്ടിയത്​.

തിരുവനന്തപുരത്ത്​ പെട്രോൾ ലിറ്ററിന്​ 100.15 രൂപയും ഡീസലിന്​ 95.99 രൂപയുമാണ്​ വില. കോഴിക്കോട്ട്​ പെട്രോളിന്​ 98.58ഉം ഡീസലിന്​ 93.80ഉം രൂപയാണ്​ വില. കൊച്ചിയിൽ പെട്രോളിന്​ 98.21ഉം ഡീസലിന്​ 95.16ഉം ആയി വർധിച്ചു.

26 ദിവസത്തിനിടെ 14 തവണയാണ്​ ഇന്ധനവില വർധിപ്പിച്ചത്​. കോവിഡിനിടയിൽ കഷ്​ടപ്പെടുന്ന ജനങ്ങൾക്ക്​ അടിക്കടിയുള്ള വിലവർധന വലിയ ദുരിതമാണ്​ തീർക്കുന്നത്​. എന്നാൽ, ഇതൊന്നും കാണാതെ ജനവിരുദ്ധ നടപടിയുമായി മുന്നോട്ടുപോകുകയാണ്​ കമ്പനികളും സർക്കാറുകളും.

ഇന്ത്യയുടെ അയൽരാജ്യങ്ങളിൽ കുറഞ്ഞവിലക്ക്​ ഇന്ധനം ലഭ്യമാകു​േമ്പാഴാണ്​ ഈ ഇരുട്ടടി. അവശ്യവസ്​തുക്കളുടെ വിലക്കയറ്റത്തിനടക്കമാണ്​ ഇത്​ വഴിവെക്കുക.