പോസ്​റ്റൽ വോട്ടുകളിൽ തട്ടിപ്പ്: കെ. സുരേന്ദ്രൻ പരാതി നൽകി

തിരുവനന്തപുരം: നിയമസഭ തെരഞ്ഞെടുപ്പിൽ പോസ്​റ്റൽ വോട്ടുകളിൽ വ്യാപക ക്രമക്കേട് നടക്കുന്നെന്ന്​ ചൂണ്ടിക്കാട്ടി ബി.ജെ.പി സംസ്ഥാന അധ്യക്ഷൻ കെ. സുരേന്ദ്രൻ സംസ്ഥാന മുഖ്യ തെരഞ്ഞെടുപ്പ്​ ഓഫിസർ ടിക്കാറാം മീണക്ക്​ പരാതി നൽകി. മാനദണ്ഡങ്ങൾ പാലിക്കാതെയാണ് പോസ്​റ്റൽ വോട്ടുകൾ സമാഹരിച്ചത്.

സീൽ ചെയ്ത കവറുകളിലല്ല, സഞ്ചിയിലാണ് പല ബൂത്തുകളിലും വോട്ടർമാരിൽനിന്ന്​ ബാലറ്റ് വാങ്ങിയത്. ഉപയോഗിക്കാത്ത പോസ്​റ്റൽ ബാലറ്റുകൾ ദുരുപയോഗിക്കുന്നെന്ന ആക്ഷേപവും ശക്തമാണ്. ഇതുസംബന്ധിച്ച് സ്ഥാനാർഥികൾക്കും രാഷ്​ട്രീയപാർട്ടികൾക്കുമുള്ള ആശങ്ക പരിഹരിക്കണമെന്നും സുരേന്ദ്രൻ പരാതിയിൽ ആവശ്യപ്പെട്ടു.