തിരുവല്ല: തിരുവല്ലയിലെ കുരിശു കവലയിൽ ബ്യൂട്ടി പാർലറിന് തീപിടിച്ചു. കുരിശു കവല സി.വി.പി ടവറിലെ ഒന്നാം നിലയിൽ പ്രവർത്തിക്കുന്ന ഇ.എൽ.എസ് ബ്യൂട്ടി പാർലറിനാണ് തീ പിടിച്ചത്.
രാവിലെ 9 മണിയോടെ ആയിരുന്നു സംഭവം. സ്ഥാപനം തുറക്കാനെത്തിയ ജീവനക്കാരാണ് എ.സിക്കുള്ളിൽ നിന്നും പുക ഉയരുന്നത് കണ്ടത്. ജീവനക്കാർ ഉടൻ തന്നെ ഫയർഫോഴ്സിലും സമീപ വാസികളെയും വിവരമറിയിച്ചു. തുടർന്ന് തിരുവല്ലയിൽ നിന്നുമെത്തിയ അഗ്നി രക്ഷാ സേന ഒമ്പതരയോടെ തീയണച്ചു.
കടയുടെ ഉൾവശം പൂർണമായും കത്തി നശിച്ചു. ഷോർട്ട് സർക്യൂട്ടാണ് തീപിടിത്തത്തിന് ഇടയാക്കിയതെന്നാണ് പ്രാഥമിക നിഗമനം. ഏകദേശം 5 ലക്ഷത്തോളം രൂപയുടെ നാശനഷ്ടം സംഭവിച്ചതായി കണക്കാക്കുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.