കോഴിക്കോട് മെഡിക്കല് കോളേജ്
കോഴിക്കോട് മെഡിക്കല് കോളേജില് ശസ്ത്രക്രിയ കഴിഞ്ഞ യുവതിയോട് ജീവനക്കാരന് ലൈംഗികാതിക്രമം നടത്തിയെന്ന ആരോപണത്തില് അടിയന്തരമായി അന്വേഷിച്ച് നടപടി സ്വീകരിക്കാന് ആരോഗ്യ വകുപ്പ് മന്ത്രി വീണാ ജോര്ജ് മെഡിക്കല് വിദ്യാഭ്യാസ വകുപ്പ് ഡയറക്ടര്ക്ക് നിര്ദേശം നല്കി.
ശസ്ത്രക്രിയക്ക് ശേഷം യുവതിയെ തിയേറ്ററില് നിന്ന് സ്ത്രീകളുടെ സര്ജിക്കല് ഐ.സി.യുവില് പ്രവേശിപ്പിച്ച ശേഷമാണ് പീഡനത്തിനിരയായത്. സര്ജിക്കല് ഐ.സി.യുവില് വെച്ചാണ് സംഭവം.
സര്ജിക്കല് ഐ.സി.യുവിലേക്ക് യുവതിയെ കൊണ്ടുവിട്ട് മടങ്ങിയ അറ്റന്ഡര് കുറച്ചു കഴിഞ്ഞ് തിരികെ എത്തി യുവതിയെ പീഡനത്തിന് ഇരയാക്കുകയായിരുന്നു. ഈ സമയത്ത് മറ്റൊരു രോഗിയുടെ സ്ഥിതി ഗുരുതരമായതിനാല് ജീവനക്കാരെല്ലാം ആ രോഗിയുടെ അടുത്തായിരുന്നു. ശസ്ത്രക്രിയക്ക് ശേഷം മയക്കം പൂര്ണമായും മാറാത്ത അവസ്ഥയിലായിരുന്ന യുവതി പിന്നീടാണ് ബന്ധുക്കളോട് വിവരം പറഞ്ഞത്.
തുടര്ന്ന് മെഡിക്കല് കോളജ് പൊലീസില് പരാതി നല്കുകയായിരുന്നു. ജീവനക്കാരൻ ഒളിവിലാണ്. സംഭവത്തില് ആശുപത്രി അധികൃതരുടെ വിശദീകരണം ലഭിച്ചിട്ടില്ല. മെഡിക്കല് കോളജ് അസിസ്റ്റന്റ് കമ്മിഷണര് കെ. സുദര്ശന്റെ നേതൃത്വത്തില് പൊലീസ് അന്വേഷണം തുടങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.